Nieviadomy zaminiravaŭ aeradrom Baravaja
pad Minskam, dzie adbyvajecca fiestyval elektronnaj muzyki GlobalGathering.
«Telefanavaŭ pa 102 niejki pjany i skazaŭ, što zaminavana dyskateka», — paviedamiŭ pradstaŭnik HUUS Minharvykankama. Jon nie zmoh raspavieści padrabiaznaści, pakolki, pavodle jaho słoŭ, paradak zabiaśpiečvała milicyja Minskaha rajona. Atrymać kamientar u rajonnym UUS pakul nie ŭdałosia. Pavodle aficyjna nie paćvierdžanaj infarmacyi, pravodziłasia evakuacyja hledačoŭ, ale ŭ vyniku kancert praciahnuŭsia.
Fiestyval byŭ zapłanavany z 18.00 da 6.00. Chiedłajnier — znakamity francuzski
Na praciahu hadziny ŭdałosia vyśvietlić, što paviedamleńnie ab zaminavańni było padmannym, a taksama ŭstanavić asobu padazronaha — im akazaŭsia žychar Minska. Achova fiestyvalu nie puściła jaho na dyskateku, bo ŭ jaho nie było bileta, i, vidać u adpłatu, małady čałaviek vyrašyŭ sarvać imprezu.
Pa hetym fakcie pravodzicca pravierka. U dačynieńni da padazronaha moža być raspačata sprava na padstavie art. 340 KK (zaviedama padmannaje paviedamleńnie ab niebiaśpiecy). Minimalnaje pakarańnie zhodna z hetym artykułam — štraf, maksimalnaje — pazbaŭleńnie voli na termin da piaci hadoŭ.