Nastaŭnikaŭ prymušajuć padpisvacca na «Sovietskuju Biełoruśsiju»
Niekalki dzion tamu ŭ škołach Horadni j Skidziela pavyviešvali śpisy nastaŭnikaŭ, jakija musiać padpisacca na “Sovietskuju Biełoruśsiju”. U kožnym śpisie blizka 15 čałaviek, heta prosta pieršyja pavodle alfabetnaha śpisu nastaŭniki ŭ škołach. Kožny ź ich musić pakłaści ŭ administracyju škoły kvitok ab aformlenaj padpiscy na hazetu na 4 kvartał 2006 h. Nastaŭniki, što stajać u alfabetnym śpisie dalej, buduć zmušanyja padpisvacca ŭ nastupnych kvartałach. Admova ad padpiski značyć zaniasieńnie ŭ čornyja śpisy i prablemy na rabocie. Radaści siarod nastaŭnikaŭ takaja dyrektyva nia vyklikała, mnohija adkryta aburajucca. Ale rady nie dasi, razumiejem, u nas “rynkavy sacyjalizm”.
Voś tak “samaja papularnaja hazeta krainy” zavajoŭvaje sabie čytačoŭ. Što ž, źjaviŭsia jašče adzin punkt vydatkaŭ u nievialikich biudžetach našych nastaŭnikaŭ. Vypadaje tolki aburana ŭskliknuć: “Šanoŭnyja vydaŭcy “Sovietskoj Biełoruśsii”, nie rabicie hetak, nie zachoplivajcie rynak zbytu ajčynnych vytvorcaŭ tualetnaj papiery!”