Pres‑słužba Łukašenki: z reakcyjaj na skandalny film NTV śpiašacca nie budziem
Alaksandr Łukašenka prainfarmavany pra film «Chrosny baćka», paviedamiŭ kiraŭnik pres‑słužby prezidenta Pavieł Lohki.
Alaksandr Łukašenka prainfarmavany pra film «Kriostnyj baťka», jaki napiaredadni pakazaŭ telekanał NTV. Ale z aficyjnaj reakcyjaj na jaho śpiašacca nie budzie, paviedamiŭ kiraŭnik pres‑słužby prezidenta Pavieł Lohki:
Pavieł Lohki: «Ja dumaju, što aficyjnaja reakcyja budzie, ale krychu paźniej. Prezident, jak i jaho kalehi, kiraŭniki Rasii i Kazachstana, ciapier zajmajecca surjoznaj spravaj, jakaja budzie vyznačać žyćcio našaj krainy. A reakcyja na hety brudny infarmacyjny zakid — sprava druhaja».
Nahadajem, ciapier Alaksandr Łukašenka znachodzicca z aficyjnym vizitam u Astanie, dzie prachodzić samit JeŭrAzES. Prezidenty Biełarusi, Rasii i Kazachstana «u vuzkim kole» abmierkavali Mytny sajuz, jaki pačynaje dziejničać z 6 lipienia.