Padvyšeńnie taryfaŭ u BDU
Niečakanaje padvvyšeńnie taryfaŭ za navučańnie ŭ BDU. Studentaŭ prymušajuć padpisvać novyja pahadnieńni.
U BDU zahadam rektara padvyšany taryfy u siarednim pa roznych fakultetach na 300$. Abjava pra pavieličeńnie źjaviłasia na fakultetach 13 vieraśnia, a novyja pahadnieńni pavinny byli być składzieny da 15 vieraśnia. U dadatak Stražaŭ na čarhovym schodzie paviedamiŭ, što płatniki jašče nie dastatkova płaciać. Niby jany nie tolki nie apłočvajuć pasłuhi vykładčykaŭ, ale jašče i nie spłačvajuć za karystańnie aŭdytoryjami i kamputarnymi klasami. Na samoj spravie ž płatnikaŭ va univiersitecie bolš ciapier za biudžetnikaŭ. Pryčym płatnikaŭ nabirajuć jak daviesak da biudžetnikaŭ, to bok heta ludzi zvyšnormy. Miedyjnymi klasami karystajucca vyklučna studenty vajskovaha fakulteta, jakija zajmieli modu tam spać. Vykładčyka ž zarobak naličvajecca nie za kolkaść studentaŭ, a za pračytanyja hadziny. Takim čynam, pavieličeńnie taryfaŭ nie adbivajecca na ich zarpłacie, bo płatniki vučacca ŭ adnoj hrupie ź biudžetnikami jak ludzi zvyšnormy.
Nahadaju, što košt navučańnia ŭ siarednim pa BDU ciapier składaje 1000-1200$, ŭ dadatak da pieršaha padvyšeńnia hatujecca jašče adnoje ŭ hetym hodzie na 5% ad sumy novych taryfaŭ. Miž tym jak nie chapaje nie tolki aŭdytoryj (3 źmieny pa BDU - heta norma), ale i partaŭ, i kresłaŭ, užo nie kažučy pra małuju kolkaść kursaŭ, kolkaść hadzinaŭ jakich z kožnym hodam źmiańšajecca.
Akramia hetych novych taryfaŭ usie studenty pavinny kožny hod nabyvać novyja studenckija kvitki pa 16 tys. bieł.rub. terminam słužby na 1 hod, bieź jakich nielha ni karystacca kamputarnymi klasami, ni naviedvać internaty.