U Pinskim rajonie patanuli 6-hadovaja dziaŭčynka i 36-hadovy mužčyna
Pavodle słoŭ vidavočcaŭ, spačatku mužčyna vučyŭ dziaciej płavać, a potym pasadziŭ dziaŭčynku sabie na śpinu i papłyŭ razam ź joju.
Jak paviedamili ŭ prakuratury Pinskaha rajona, trahiedyja adbyłasia 26 lipienia kala 21.30 na vadajomie niepadalok ad Łahišyna.
Dziaŭčynka razam z mačychaj i starejšaj siastroj adpraviłasia sustrakać karovu z pašy. Žančyna pahnała žyviołu damoŭ, budučy ŭpeŭnienaj, što dzieci iduć za joju. Jak vyśvietliłasia potym, siostry zastalisia kala vadajoma i stali kupacca razam ź inšymi dziećmi. Razam ź dziećmi pajšoŭ kupacca 36-hadovy mužčyna, jaki rybačyŭ na bierazie.
Pavodle słoŭ vidavočcaŭ, spačatku jon vučyŭ dziaciej płavać, a zatym pasadziŭ šaścihadovuju dziaŭčynku sabie na śpinu i papłyŭ razam ź joju. Nie ŭtrymaŭšysia na pavierchni, mužčyna pajšoŭ pad vadu razam ź dziaŭčynkaj.
Ich cieły dastali z vadajoma ŭ try hadziny nočy 27 lipienia. Abstaviny trahiedyi vyśviatlaje rajonnaja prakuratura.