AHP sfarmiruje inicyjatyŭnuju hrupu svajho pretendenta da vieraśnia
Abjadnanaja hramadzianskaja partyja (AHP) maje namier sfarmiravać inicyjatyŭnuju hrupu svajho pretendenta na pasadu prezidenta da pačatku vieraśnia. Pra heta paviedamiŭ lider partyi Anatol Labiedźka 3 žniŭnia na pasiadžeńni palitsavieta AHP.
Nahadajem, ad AHP u prezidenckich vybarach maje namier udzielničać namieśnik staršyni partyi, viadomy ekanamist Jarasłaŭ Ramančuk.
Labiedźka paviedamiŭ, što «akcentavana inicyjatyŭnaja hrupa budzie źbirać podpisy ŭ 18 najbolš bujnych haradach Biełarusi». Pierad partyjaj stavicca zadača sabrać za vyłučeńnie Ramančuka kandydatam u prezidenty pa 15 tysiač podpisaŭ u kožnaj vobłaści i 35–40 tysiač u Minsku.
«Rašeńnie ab vyłučeńni svajho kandydata na prezidenckich vybarach było pravilnym. Ideja z adzinym kandydatam nie realizavanaja. Kali b my nie vyłučyli svajho kandydata, to zastalisia b na pieryfieryi palityčnaha pracesu», — zajaviŭ lider Abjadnanaj hramadzianskaj partyi.