Stomlenaść jak virus
Amierykanskija navukoŭcy atrymali novyja paćvierdžańni virusnaj pryrody sindromu chraničnaj stomlenaści. Daśledavańnie praviała hrupa śpiecyjalistaŭ pad kiraŭnictvam Upraŭleńnia pa kantroli za praduktami i lekami ZŠA.
Daśledčyki praviali hienietyčny analiz uzoraŭ kryvi 37 pacyjentaŭ ź sindromam chraničnaj stomlenaści i 44 zdarovych dobraachvotnikaŭ. Pa vynikach analizu, hienietyčnyja paśladoŭnaści, charakternyja dla virusa, źviazanaha ź virusam lejkoza myšej, byli vyjaŭlenyja ŭ 32 chvorych, što składaje kala 86,5 pracenta ad ich ahulnaj kolkaści. Virusnyja hieny taksama byli vyjaŭlenyja ŭ uzorach kryvi troch členaŭ kantrolnaj hrupy (6,8 adsotki).
Praz 15 hadoŭ paśla pačatku daśledavańniaŭ navukoŭcy praviali paŭtorny analiz u vaśmi ŭdzielnikaŭ — u siami ź ich, virus u kryvi prysutničaŭ.
Sindrom chraničnaj stomlenaści charaktaryzujecca stomaj u myšcach, depresijaj, sanlivaściu. Pry čym usie hetyja prablemy nie vyklikany ničym. Pryčyny ŭźniknieńnia sindromu nie vytłumačanyja.