Kirkieviča aštrafavali na 875 tys. rub
Namieśnika staršyni MF Alesia Kirkieviča aštrafavali na 875 tys. rub za raspaŭsiud ahitacyi ŭ miežach kampanii «Horad Naš!».
Aleś Kirkievič byŭ zatrymany 3 lipienia siarod dnia dvuma supracoŭnikami milicyi. Paśla składańnia pratakołu ŭ Centralnym RAUSie, u toj ža dzień, milicyja praviała dahlad kvatery junaka.
Asnoŭny zakid — č.2 art. 21.14 Administracyjnaha Kodeksu — parušeńnie «praviłaŭ dobraŭparadkavańnia, zabieśpiačeńnia čyścini j paradku». Nieŭzabavie sprava była pieradadziena ŭ Administracyju Leninskaha rajona na razhlad admysłovaj kamisii.
Pastanovaju administracyjnaj kamisii Leninskaha rajona Harodni na namieśnika staršyni MF Alesia Kirkieviča nakładzieny štraf u pamiery 25 bazavych vieličyń, što składaje 875 000 biełaruskich rubloŭ. Pradstaŭniki administracyi Leninskaha rajona Hrodna svoječasova navat nie papiaredzili abvinavačanaha maładafrontaŭca ab miescy i časie pasiedžańnia administracyjnaj kamisii.