A čamu ciabie niama ŭ biudžecie?
MUS voźmiecca za biespracoŭnych i tych, chto pracuje za miažoj nielehalna.
Najbližejšym časam MZS maje namier pravieści manitorynh pracoŭnaj zaniataści nasielnictva respubliki i na padstavie vynikaŭ padrychtavać prapanovy ŭ zakanadaŭstva dla naviadzieńnia paradku ŭ hetaj sfery. Pra heta paviedamiŭ pieršy namieśnik načalnika Departamentu pa hramadzianstvie i mihracyi MUS Biełarusi Alaksiej Biahun.
Pavodle jahonych słoŭ, siońnia kala 1 miljona biełaruskich hramadzian nia ŭciahnutyja ŭ lehalnuju pracoŭnuju dziejnaść. Da ich adnosiacca nia tolki tyja, chto viadzie chatniuju haspadarku, staić na biržy pracy, časova znachodzicca ŭ pošukach pracy, ale i tyja, chto pracuje nielehalna, u tym liku za miažoj. U Rasiei nielehalna zarablajuć da 300 tysiač biełaruskich hramadzian (aficyjna zarehistravana kala 3-4 tysiač), u inšych krainach — kala 7 tysiač.
Hramadzianie, jakija zajmajucca nielehalnaj dziejnaściu, nie zajaŭlajuć pra krynicu dachodaŭ, nia płaciać padatki ŭ biudžet, pensijny fond. U toj ža čas jany karystajucca vyznačanymi biełaruskim zakanadaŭstvam ilhotami, sacyjalnymi harantyjami.
Alaksiej Biahun adciemiŭ, što inicyjatyva MUS zaklikanaja navieści paradak jak u sfery pracoŭnaj dziejnaści ŭvohule, tak i ŭ pracoŭnaj mihracyi ŭ pryvatnaści. Nia musić być dysbalansu, kali adnyja hramadzianie padtrymlivajuć biudžet, a inšyja adno karystajucca dziaržaŭnymi harantyjami. Razam z tym supolna z Rasiejaj robiacca kroki, kab dapamahčy hramadzianam lehalizavać svaju pracoŭnuju dziejnaść, stvaryć mahčymaści dla cyvilizavanaj vypłaty padatkaŭ, rehistracyi i ŭliku.