Pad Stolinam traktar prataraniŭ voz — adzin čałaviek zahinuŭ

U Stolinskim rajonie traktar sutyknuŭsia z hužavoj pavozkaj, adzin čałaviek zahinuŭ, jašče adzin atrymaŭ ciažkija traŭmy.

Jak paviedamili ŭ rajonnym adździele ŭnutranych spraŭ, sutyknieńnie adbyłosia 7 vieraśnia ŭ 21.40 na palavoj darozie niedaloka ad vioski Ladziec.

33-hadovy miechanizatar miascovaha sielhaspradpryjemstva, jaki znachodziŭsia za rulom traktara «MTZ-82» z pryčepam, pry sustrečnym raźjeździe z hužavoj pavozkaj začapiŭ jaje pryčepam. Ad udaru 20-hadovy pastuch, jaki kiravaŭ pavozkaj, zahinuŭ na miescy zdareńnia. 36-hadovy niepracujučy mužčyna, što jechaŭ razam ź im, zvaliŭsia na ziamlu. Z adkrytaj čerapna-mazhavoj traŭmaj i rvanaj ranaj hałavy jon źmieščany ŭ Stolinskuju centralnuju rajonnuju balnicu.

Usie ŭdzielniki DTZ — žychary vioski Ladziec.

Pa hetym fakcie Stolinskim RAUS pravodzicca pravierka, vyrašajecca pytańnie ab uzbudžeńni kryminalnaj spravy.

Pavozka była asnaščana śviatłoadbiŭnymi elemientami. Traktaryst byŭ ćviarozy.

Kamientary da artykuła