Kryminalistaŭ ABSIE paznajomiać sa spravaj Biabienina

Pres-sakratar MZS acharaktaryzavaŭ hetaje rašeńnie jak «biesprecedentny krok u jurydyčnaj praktycy nie tolki ŭ Biełarusi, ale i ŭ Jeŭropie» .

Biełaruś zaprašaje niekalki ekśpiertaŭ-kryminalistaŭ z krain-siabraŭ ABSIE dla vyvučeńnia abstavin śmierci žurnalista Aleha Biabienina.

Aficyjnaja zajava na hety kont budzie zroblenaja siońnia na plenarnym pasiadžeńni Pastajannaj rady ABSIE ŭ Vienie.

Pra heta na bryfinhu paviedamiŭ pres-sakratar MZS Biełarusi Andrej Savinych.

Jon skazaŭ, što Biełaruś hatova zaprasić adnaho-dvuchekśpiertaŭ-kryminalistaŭ z krain-siabraŭ ABSIE, jakija zmohuć aznajomicca z usimi akaličnaściami śmierci žurnalista Aleha Biabienina.

Andrej Savinych acharaktaryzavaŭ hetaje rašeńnie jak «biesprecedentny krok u jurydyčnaj praktycy nie tolki ŭ Biełarusi, ale i ŭ Jeŭropie» .

Savinych skazaŭ, što takija zachady z boku Biełarusi pradyktavanyja «našym ździŭleńniem i zakłapočanaściu roznaha hodu vykazvańniami, jakija źjavilisia u vystupach nie tolki ŚMI, ale i asobnych pradstaŭnikoŭ roznych mižnarodnych struktur».

Infarmacyja na hety kont siońnia ranicaj była ŭžo daviedzienaja da šerahu ambasadaraŭ krain ABSE ŭ Minsku.

Kamientary da artykuła