Papiaredžańnie Łukašenku ci fejk śpiecsłužbaŭ?
U sajcie youtube.com źjaviŭsia rolik, dzie «były supracoŭnik adnoj sa śpiecsłužbaŭ Rasijskaj Fiederacyi» sprabuje papiaredzić Alaksandra Łukašenku ab padrychtoŭcy jaho fizičnaha źniščeńnia.
U sajcie youtube.com źjaviŭsia rolik, dzie «były supracoŭnik adnoj sa śpiecsłužbaŭ Rasijskaj Fiederacyi» sprabuje papiaredzić Alaksandra Łukašenku ab padrychtoŭcy jaho fizičnaha źniščeńnia.Maŭlaŭ, zabojstva lidera Biełarusi zamoviŭ premjer‑ministr Rasii Uładzimir Pucin.
Potym videa było raźmieščana potym na mnohich biełaruskich sajtach. U kadry źjaŭlajecca zaciomniennaja postać čałavieka, jaki sipatym nienaturalnym hołas načytvaje tekst.
«Staršynia ŭrada Rasii Pucin choča zabić prezidenta Biełarusi Łukašenku. Ja zajaŭlaju ab hetym z usioj adkaznaściu, bo vałodaju praŭdzivymi faktami», — adrazu havorycca ŭ videapasłańni.
«Były čekist» pryznajecca, što byŭ, jość i budzie patryjotam Rasii i jamu nie padabajecca Łukašenka, ale jon nie moža prymać mietad fizičnaj likvidacyi.
«Kab prybrać Łukašenku, u nas jość ceły nabor narmalnych srodkaŭ i mietadaŭ. Našy ŚMI mohuć źlapić z Łukašenki jaki zaŭhodna vobraz — varjata abo chvoraha. My možam pastavić jaho na kaleni ekanamična — praz pastaŭki nafty i hazu. My možam, urešcie, damovicca ź Jeŭropaj, Złučanymi Štatami. I hetaha dastatkova — Łukašenka abryniecca. Ale dla mianie absalutna nie prymalnyja mietady fizičnaj likvidacyi prezidenta Biełarusi, jakija płanuje vykarystoŭvać kiraŭnictva majoj krainy», — možna pastavić pad sumnieŭ takija tezy.
Hniazdom śpiecapieracyi pa likvidacyi Alaksandra Łukašenki abvieščana dziaržkarparacyja «Rastechnałohii». Nie sakret, što pad kryłom jaje kiraŭnika Siarhieja Čemiezava źbirajucca bahata byłych supracoŭnikaŭ FSB, a taksama inšych siłavych struktur.
Čamu mienavita «Rastechnałohii» nazvana hniazdom padrychtoŭki zamachu? Moža tamu, što znajšoŭ pracu były ministr unutranych spravaŭ Uładzimir Navumaŭ. Jość mierkavańnie, što napiaredadni vybaraŭ Uładzimir Navumaŭ moža być skarystany rasijskaj prapahandaj suprać kiraŭnika Biełarusi.
«Hrupa pa fizičnaj likvidacyi prezidenta Biełarusi stroha zasakrečanaja. U jaje ŭvachodziać tolki samyja pravieranyja i addanyja Pucinu siłaviki. Užo adpracavana niekalki scenaraŭ źniščeńnia Łukašenki: aŭtamabilnaja abo avijacyjnaja katastrofa, zaražeńnie praz padarunak abo paštovaje adpraŭleńnie, zadziejničańnie snajpiera», — kaža zakadravy hołas.
«Ale ŭ jakaści najbolš realnaha scenaru razhladajecca praviadzieńnie maštabnaha teraktu padčas adnaho z masavych mierapryjemstvaŭ z udziełam Łukašenki, a ŭ pieradvybarnuju kampaniju Łukašenku daviadziecca pravodzić šmat takich mierapryjemstvaŭ», — heta atrymlivaje suhučča ź niadaŭniaj bajkaj, što Łukašenku zabjuć padčas śviatkavańnia «Dažynak» u Lidzie. Hetaja historyja atrymała šyroki rozhałas nie tolki na Hrodzienščynie, ale va ŭsioj krainie. Nibyta śmierć Łukašenku pradkazaŭ stary dziadula.
«Dla stvareńnia atmaśfiery paniki płanujecca pravieści ŭ najbližejšyja miesiacy ŭ Biełarusi sieryi strašennych akcyj z vykarystańniem vybuchovych pryład, raspracoŭvajucca scenary vykradańnia viadomych ludziej. Kab pasiejać paniku vakoł biełaruskaj pradukcyi, jakaja pastaŭlajecca na ekspart, śpiecyjalisty z hetaj hrupy płanujuć zaražeńnie niekalkich partyj charčovych tavaraŭ radyjeaktyŭnymi rečyvami», — ci nie vybuch u rasijskich pasolstvie i zahadkavaja śmierć Aleha Biabienina padšturchnuła da takich prahnozaŭ?
«Adkul hetyja fakty viadomyja mnie? Jość prystojnyja ludzi i ŭ hetaj śpiechrupie». Cikava, ale ž nijakich faktaŭ ad «pradstaŭnika śpiecsłužbaŭ» my tak i nie pačuli.
Videa padobna bolš na kaktejl roznych čutak i plotak, što chodziać unutry biełaruskaha hramadstva ŭžo nie pieršy dzień. Tamu heta bolš nahadvaje zvyčajny fejk, padrobku. Pryčym, nie vielmi jakasnuju.
Heta mahli vykarystać sami biełaruskija śpiecsłužby. Heta moža być vykarystana, kab pakazać, jak Łukašenka nie baicca nijakaj niebiaśpieki. A jašče čarhovy raz nahadać, što niebiaśpieka idzie z Maskvy.