Zaŭtra ŭ ZŠA źjavicca 300-miljonny žychar
Zaŭtra kolkaść nasielnictva Złučanych Štataŭ dasiahnie ličby 300 młn – vynikaje z aficyjnych prahnozaŭ statystykaŭ.
Zaŭtra kolkaść nasielnictva Złučanych Štataŭ dasiahnie ličby 300 młn – vynikaje z aficyjnych prahnozaŭ statystykaŭ.
Adno što nieviadoma, chto stanie 300-miljonnym amerykancam: dzicia, narodžanaje zaŭtra ŭ krainie, albo čarhovy imihrant.
U Złučanych Štatach, dzie kala 11 adsotkaŭ nasielnictva składajuć ludzi, narodžanyja ŭ inšych krainach, u siarednim što 11 sekundaŭ źjaŭlajecca novy žychar (bieručy pad uvahu taksama śmiarotnaść i lik imihrantaŭ).
Jak śćviardžaje pradstaŭnik federalnaha adździełu ŭ spravach nasielnictva Styven Bakner (Stephen Buckner), mahičnaja ličba 300 miljonaŭ žycharoŭ budzie pierasiahnutaja dakładna ŭ aŭtorak 17 kastryčnika a hadzinie 7.46 miascovaha času (14.46 našaha). Bakner, adnak, pryznaŭ, što nadzvyčaj ciažka budzie vyznačyć, chto ž mienavita budzie tym 300-miljonnym amerykancam.
U 1915 h. lik žycharoŭ Złučanych Štataŭ upieršyniu pierakročyŭ 100-miljonnuju miažu. 200 młn žycharoŭ było ŭ ZŠA ŭ 1967 h. Prykładna ŭ 2043 h. u ZŠA buduć žyć 400 młn – vynikaje z prahnozaŭ amerykanskich demohrafaŭ.