Biełaruskaja salidarnaść u Krakavie
Kala dvaccaci biełaruskich studentaŭ arhanizavali ŭ Krakavie akcyju salidarnaści 16 kastryčnika.
Kala dvaccaci biełaruskich studentaŭ arhanizavali ŭ Krakavie akcyju salidarnaści 16 kastryčnika.
Siarod ich byli jak udzielniki stypendyjalnaj prahramy imia Kalinoŭskaha, tak i studenty ź Biełarusi, jakija ŭžo raniej navučalisia ŭ Polščy. U 20.00 na hałoŭnym placy horada jany zapalili śviečki j dastali partrety źnikłych. Niekalki čałaviek zastałosia ažno da pałovy na dvanaccatuju, bo zacikaŭlennaść minakoŭ była vielmi vysokaja.
Padychodzili z pytańniami nia tolki palaki, ale j zamiežnyja turysty, niekatoryja ź jakich upieršyniu čuli pra Biełaruś. Raspaviadajučy pra sytuacyju ŭ krainie, maładyja biełarusy anansavali nastupnyja akcyi – ŭžo nia tolki palityčnyja, ale j kulturnickija. Jany dumajuć ab fotavystavie, prahladzie biełaruskich filmaŭ, kancertach ci navat dni biełaruskaj kuchni!
“Ja vielmi bajaŭsia, kab nie atrymałasia takaja banalnaja j standartovaja akcyja. Ale było fajna! Zacikaŭlennaść z boku palakaŭ vielmi vysokaja” – kaža adzin z udzielnikaŭ akcyi.