Michalevič nie źbirajecca viartać ściah i hierb

i pieršym svaim ukazam daść harantyi Łukašenku.

Aleś Michalevič ŭ vypadku abrańnia prezidentam źbirajecca spačatku pradastavić harantyi Łukašenku, a paśla zaniacca ekanomikaj. Pra heta jon zajaviŭ u intervju ahienctvu «Interfaks-Zachad».

«Pieršy ŭkaz budzie pra pravavoje pałažeńnie papiaredniaha prezidenta. Treba ŭrehulavać jaho status, dać adpaviednyja harantyi, — zajaviŭ palityk. — Nastupny błok ukazaŭ budzie datyčycca ekanomiki».

Na pramoje pytańnie, ci viernie jon «Pahoniu» i bieł-čyrvona-bieły ściah, Michalevič zajaviŭ, što nie budzie zajmacca takimi rečami. Maŭlaŭ, chaj vyrašaje parłamient. «Ale ja nie maju varožaha staŭleńnia da siońniašnich dziaržaŭnych simvałaŭ. Pad imi pieramahali mnohija biełaruskija spartoŭcy», — udakładniŭ jon.

Cikavaje i pryznańnie nakont zamiežnaj palityki. «Ustupleńnie ŭ Jeŭrasajuz — nie meta», — miarkuje Michalevič.

Aleś Michalevič pačynaŭ svaju palityčnuju karjeru ŭ jakaści lidera Zadzinočańnia biełaruskich studentaŭ i ŭ Partyi BNF. Jon biełaruskamoŭny ŭ paŭsiadzionnym žyćci.

Kamientary da artykuła