Nastaŭnicu zabiła tokam, pryčyna — padaŭžalnik pralnaj mašyny

U vioscy Turec-Bajary (Maładziečanski rajon) viečaram 3 listapada ad udaru tokam u siabie doma zahinuła 37-hadovaja žančyna, nastaŭnica miascovaj škoły. Pryčynaj trahiedyi staŭ padaŭžalnik ad pralnaj mašyny.

Biez maci zastalisia čaćviora niepaŭnaletnich dziaciej. Biez žonki — muž, taksama nastaŭnik turec-bajarskaj škoły.

Pamočnik prakurora Maładziečanskaha rajona Alaksandr Vasiuta raskazaŭ: heta byŭ niaščasny vypadak. Haspadynia ŭ pralnaj mašynie myła bializnu. Vanna była napoŭnienaja vadoj. Možna mierkavać, što žančyna dastavała bializnu z mašyny i pałaskała jaje ŭ vańnie.

Ruki byli mokryja, a ŭ padaŭžalniku, chutčej za ŭsio akazaŭsia aholenym kantakt.

Haspadynia adnoj rukoj dakranułasia da padaŭžalnika, druhoj — da vanny i stała pravadnikom toka.

Kamientary da artykuła