Nacboły prajšli šeściem pa Minsku i zaklikali da svabodnych vybaraŭ

Udzielniki praviedzienaha ŭ Minsku mitynhu levych sił zapatrabavali pravieści ŭ Biełarusi svabodnyja i spraviadlivyja vybary.

Nahadajem, 7 listapada ŭ stalicy prajšli šeście i mitynh z nahody śviatkavańnia Dnia Kastryčnickaj revalucyi.

Prykładna 50 čałaviek sabralisia na placoŭcy kala budynka prezidyuma Nacyjanalnaj akademii navuk, a zatym prajšli pa vulicy Surhanava na płošču Banhałor, dzie ŭ parku Družby narodaŭ i prajšoŭ mitynh.

Vystupajučy na mitynhu, lidar arhkamiteta pa stvareńni Nacyjanał-balšavickaj partyi Biełarusi Jaŭhien Kontuš zajaviŭ što, siońniašniaja situacyja ŭ Biełarusi padobnaja na situacyju ŭ Rasii 1917 hoda. «Tady ŭsia ŭłada naležała kučcy ludziej, jakuju źmioŭ narod. Siońnia ŭ nas toje ž samaje: čynoŭniki prymajuć zakony, nie źviartajučy ŭvahi na pratesty hramadstva. Jany nie vykonvajuć volu naroda, nie rehistrujuć arhanizacyi, palityčnyja partyi, jakija składajucca ź ludziej — ułasna, naroda. Jany ŭzurpavali ŭładu», — zajaviŭ Kontuš.

«Nam patrebnyja svabodnyja vybary. Chaj vybarščyk sam vyrašyć, jakaja ideałohija jamu bližejšaja

Lidar mižnarodnaha hramadskaha abjadnańnia «Za Sajuz i kamunistyčnuju partyju Sajuza» Leanid Školnikaŭ adznačyŭ, što vybary pavinny prajści taksama biez umiašańnia zvonku. «Pakul my bačym, što praciahvajecca hrubaje ŭmiašańnie ZŠA, Jeŭrasajuza i aliharchičnaj Rasii va ŭnutranyja spravy Biełarusi. Heta robicca z metaj adarvać Biełaruś ad brackaha naroda Rasii, uciahnuć Biełaruś u NATO. Heta niedapuščalna, i Biełaruś pavinna sama abrać svajho prezidenta», — zajaviŭ Školnikaŭ.

Pry hetym jon padkreśliŭ, što Biełaruś zastałasia adzinaj dziaržavaj na postsavieckaj prastory, dzie Dzień Kastryčnickaj revalucyi adznačajecca na dziaržaŭnym uzroŭni.

Paśla zakančeńnia mitynhu prysutnyja pryniali rezalucyju, u jakoj adznačajecca, što «siońnia niama ŭ čałaviectva inšaha šlachu vyžyć i žyć hodna, akramia sacyjalizmu». «Vialiki Kastryčnik adkryŭ realny i adziny šlach da jaho biełaruskamu i ŭsiamu savieckamu narodu, usim narodam i dziaržavam płaniety», — havorycca ŭ rezalucyi.

Akcyja, nahadajem, była sankcyjanavanaja Minharvykankamam. Za joj nazirali supracoŭniki milicyi ŭ cyvilnym. Jana prajšła biez ekscesaŭ.

Kamientary da artykuła