Kiler sieŭ za padrobleny pašpart

Aleksinski haradski sud Tulskaj vobłaści Rasii vynies pryhavor kileru marozaŭskoj bandy, jakaja dziejničała ŭ Homielskaj vobłaści ŭ 90-ch — pačatku 2000-ch hadoŭ.

Jak paviedamlaje pres-słužba Aleksinskaha harsuda, Ihar Kuleŭski pryznany vinavatym u padrobcy pašparta i pryhavorany da hoda pazbaŭleńnia voli z adbyvańniem pakarańnia ŭ papraŭčaj kałonii ahulnaha režymu. Na sudzie biełarus poŭnaściu pryznaŭ siabie vinavatym i admoviŭsia ad davańnia pakazańniaŭ.

Matyvam pryniataha rašeńnia sud pryznaŭ toje, što Kuleŭski pryciahnuty ŭ jakaści abvinavačanaha pa č. 2 art. 285 i p. 1,15 č. 2 art. 139 KK Biełarusi i ŭ dačynieńni da jaho 14 studzienia 2005 hoda abrana miera strymańnia ŭ vyhladzie źmiaščeńnia vad vartu. Kuleŭskamu inkryminujucca dziejańni, što źjaŭlajucca złačynstvam jak na terytoryi Biełarusi, tak i na terytoryi Rasii.

Pavodle źviestak pres-słužby Aleksinskaha harsuda,

Kuleŭski — «prafiesijny kiler pa mianušcy Tchor, u 90-ja hady ŭvachodziŭ u homielskuju arhanizavanuju złačynnuju hrupu, členy jakoj ŭčynili dziasiatki zabojstvaŭ na terytoryi Biełarusi».

Vierchavod bandy byŭ pryhavorany da vyšejšaj miery pakarańnia i rasstralany. Niekalkim bandytam udałosia źbiehčy, u tym liku Kuleŭskamu.

Padazrony byŭ zatrymany 6 žniŭnia 2010 hoda ŭ Aleksinskim rajonie Tulskaj vobłaści z-za padroblenaha pašparta.

Ciapier u vytvorčaści Hienprakuratury Biełarusi znachodzicca kryminalnaja sprava pa abvinavačańni Kuleŭskaha va ŭčynieńni złačynstvaŭ u składzie bandy, niezakonnych dziejańniach u dačynieńni da ahniastrelnaj zbroi, učynieńnia zabojstvaŭ, kradziažoŭ, niezakonnym pazbaŭleńni voli, naŭmysnym źniščeńni ŭ składzie bandy majomaści i ŭdziele ŭ złačynnaj arhanizacyi.

Terminy daŭnaści pryciahnieńnia Kuleŭskaha da kryminalnaj adkaznaści nie skončylisia. Raniej u Hienprakuraturu Rasii pastupiła paćviardžeńnie z Hienprakuratury Biełarusi ab namiery patrabavać vydačy Kuleŭskaha.

Kamientary da artykuła