Paminańnie achviaraŭ savietaŭ u Łošycy

7 listapada ŭ Minsku bolš za 50 aktyvistaŭ Kansiervatyŭna-Chryścijanskaj partyi — BNF udzielničajuć u akcyi, pryśviečanaj pamiaci achviar stalinskich represij.

Akcyja prymierkavana da Dnia paminańnia prodkaŭ (Dziady), jaki tradycyjna adznačajecca ŭ pačatku listapada.

Udzielniki šeścia, sankcyjanavanaha haradskimi ŭładami, apoŭdni ad Pałaca kultury kamvolnaha kambinata nakiravalisia da Łošyckaha jara — adnaho ź dzieviaci miescaŭ u stalicy, dzie ŭ 1930–1940-ja hady orhany NKVD rasstrelvali biaźvinnych ludziej. Na miescy pakarańnia śmierciu i pachavańnia achviar stalinizmu ŭ 1995 hodzie pa inicyjatyvie BNF «Adradžeńnie» i tavarystva «Martyrałoh Biełarusi», jaki dziejničaje pry «Tavarystvie biełaruskaj movy imia Franciška Skaryny», pa prajekcie mastaka Mikoły Kupavy byŭ ustanoŭleny draŭlany kryž vyšynioj 5 mietraŭ. Na papiaročcy kryža tekst: «Achviaram balšavickaha teroru». Kala pamiatnaha kryža zapłanavana praviadzieńnie mitynhu.

Udzielniki šeścia niasuć kvietki, bieł-čyrvona-biełyja ściahi, partyjnuju simvoliku i raściažki z nadpisam «Dziady».

Za padziejami nazirajuć supracoŭniki milicyi ŭ cyvilnym.

Kamientary da artykuła