«Naša zadača — plej-of + adzin raŭnd»

U Minsku prajšła pres-kanfierencyja hałoŭnaha treniera chakiejnaha "Dynama" Mareka Sikory.

Pra heta zajaviŭ 11 listapada na pres-kanfierencyi ŭ Minsku hałoŭny trenier CHK «Dynama» Marek Sikora.

«Ja vielmi zadavoleny siońniašnimi nabranymi 40 bałami, — zaznačyŭ na pačatku pres-kanfierencyi češski śpiecyjalist. — Na moj pohlad heta dobra, chacia možna taksama znajści matčy, dzie niešta zhubili, adnak razam z tym byli matčy, dzie my i nabyli ački».

Marek Sikora, goals.by

Nahadajem, što pierapynak u čempijanacie Kantynientalnaj chakiejnaj lihi vyklikany praviadzieńniem na hetym tydni turniraŭ z udziełam chakiejnych zbornych (napr. Kubkam Karjały ci Kubkam Paleśsia) minskaje «Dynama» pajšło na 5-m miescy ŭ Zachodniaj kanfierencyi, majučy na rachunku 40 bałaŭ. Naprykład, adryŭ ad CSKA, što zajmaje 9-je miesca, składaje 11 bałaŭ. Ale maskoŭski kłub maje na try hulni mieniej.

Marek Sikora znoŭ panarakaŭ na kalandar čempijanatu, vykazaŭšy škadavańnie, što minskija zaŭziatary nie pabačać kamandu paŭtara miesiaca. Tak, nastupny matč «Dynama» praviadzie na «Minsk-Arenie» 30 listapada (apošni ŭ Minsku byŭ 15 kastryčnika). Na pazaminułym tydni «Dynama» praviało try chatnija sustrečy, ale jany byli zhulanyja ŭ Babrujsku — «Minsk-Arena» rychtujecca da dziciačaha «Jeŭrabačańnia».

Taksama hałoŭny trenier nierazumieńnie, čamu «Minsk-Arenu» addaduć pad treniroŭki tolki 28 listapada, kali «Jeŭrabačańnie» projdzie 20 listapada.

«My ž u XXI stahodździ žyviem,

nie patrebny toj tydzień [dla padrychtoŭki loda]. Chaciełasia b užo 25-ha vyjści na placoŭku», — u sercach kinuŭ Sikora.

Češski śpiecyjalist vykazaŭ zadavalnieńnie padpisańniem kantraktu na hetym tydni z čecham Piatrom Sikoram, zaznačyŭšy, što viedaje hulca z 16-hadovaha ŭzrostu. Mienavita pad jaho kiraŭnictvam Piotr Sikora rabiŭ pieršyja kroki ŭ chakiei, pačaŭšy karjeru ŭ kłubie «Škoda» (Plzień). Sikora - dvuchrazovy ŭładalnik Kubka Stenli (druhi raz u 2009-m u składzie «Pitsburha»).

«U jaho vielmi mahutny kidok — heta jaho hałoŭny kozyr.

Jon moža hulać i z kraju, i z centra,

jon udzielničaŭ u realizacyi bolšaści i šmat zabivaŭ, a ŭ nas realizacyja bolšaści jakraz kulhaje»,

— zaznačyŭ trenier. Najchutčej P. Sikora budzie hulać u 2-m źvianie, a ŭ pieršym zamiest traŭmavanaha Jozafa Štumpieła budzie hulać Siarhiej Varłamaŭ.

Hałoŭny trenier taksama vykazaŭ zadavalnieńnie nabyćciom hałkipiera Robierta Eša, zaznačyŭ, što Jo.Štumpieł nie zusim zadavoleny svaimi kapitanskimi abaviazkami (jamu b chaciełasia bolš kancentravacca na hulni). Na pytańnie, chto b moh być kapitanam u «Dynamie»,

Marek Sikora nazvaŭ kandydaturu i bajcoŭskija jakaści Viktara Kaściučonka,

jaki mieŭ vopyt kapitanstva ŭ «Amury». Praŭda, Kaściučonak vybyŭ na dva miesiacy z pryčyny traŭmy.

Marek Sikora taksama paciešyŭsia vialikaj naviedvalnaściu «Minsk-Areny», vykazaŭ spadzieŭ, što rekord KCHŁ ustalavany na matčy z «Ak Barsam» (21 vieraśnia — anšłah) niekalki budzie paŭtorany.

Kamientujučy čutki pra svoj mahčymy sychod z trenierskaj pracy pry kancy siezona, Marek Sikora zaznačyŭ: «Kali budzie pośpiech-to treba dumać, kali nie — treba skančać z pracaj».

Što takoje pośpiech?

«Pośpiech «Dynama» — plej-of plus prachodžańnie adnaho raŭndu turniru», miarkuje češski śpiecyjalist.

Nastupnyja čatyry matčy «Dynama» taksama praviadzie ŭ haściach:

17 listapada — z «Traktaram», 19-ha — z «Sałavatam Jułajevym», 21-ha — z mahnitahorskim «Mietałurham», 23-ha — z «Atłantam».

Zatym — try matčy ŭ «Minsk-Arenie». 30 listapada z kłubam «Sibir», 2 śniežnia — z «Amuram» 4 śniežnia z novakuźnieckim «Mietałurham».

U apošnija dni śniežnia — z 22-ha pa 29-ha ŭ Minsku taksama projduć čatyry hulni.

Dva siezony «Dynama» nie mahło prabicca ŭ plej-of, letaś jano finišavała na 11-m miescy ŭ Zachodniaj kanfierencyi, straciŭšy navat tearetyčnyja šancy za piać turaŭ da kanca rehularnaha čempijanatu. «Dynama ŭ minułym siezonie treniravaŭ Hlen Chenłan, a paśla jaho zvalnieńnia 20 kastryčnika 2009 h. — Alaksandr Andryjeŭski.

Kamientary da artykuła