Siońnia — Dzień studenta
17 listapada — Mižnarodny dzień studenta, albo Dzień salidarnaści studentaŭ.
Zasnavany ŭ Łondanie ŭ 1941 hodzie na Mižnarodnaj sustrečy studentaŭ, jakija zmahalisia suprać fašyzma. Historyja źjaŭleńnia śviata źviazana z trahičnymi padziejami.
28 kastryčnika 1939 hodu ŭ akupavanaj fašystami Čechasłavaččyny pražskija studenty i ich vykładčyki vyjšli na demanstracyju, kab adznačyć hadavinu ŭtvareńnia Čechasłavackaj dziaržavy. Akupanty razahnali demanstracyju, pry hetym byŭ zastreleny student Jan Opłetał. Jahonaje pachavańnie pierarasło ŭ akcyju pratestu.
17 listapada bolš za 1200 studentaŭ byli aryštavanyja i zaklučanyja ŭ kancłahier. Dzieviać studentaŭ i aktyvistaŭ studenckaha ruchu byli pakaranyja śmierciu biez sudovaha prysudu.