Ptušak transpartavali barbarskim sposabam

U Biełaruś sprabavali niezakonna ŭvieźci partyju hałuboŭ.

Nie zusim zvyčajny tavar vyjavili 27 listapada homielskija pamiežniki sumiesna z supracoŭnikami mytni ŭ punkcie propusku «Novaja Rudnia» na biełaruska-ŭkrainskaj miažy.

Žychar Baranavičaŭ u «Folksvahienie» pasprabavaŭ niezakonna zavieźci z Ukrainy 18 žyvych hałuboŭ. Pra heta paviedamili ŭ pres-centry Dziaržaŭnaha pahraničnaha kamiteta Biełarusi.

Ptušak transpartavali barbarskim sposabam.

Spačatku ich usypili, zatym kožnaha hołuba zaharnuli ŭ hazietu, zakrucili skotčam i schavali za vadzicielskaje siadzieńnie.

Sam kiroŭca śćviardžaje, što nie moža zrazumieć, jak ptuški trapili ŭ aŭta. Pavodle jaho słoŭ, jany paśpieli pasialicca i źvić hniazdo ŭ inšamarcy padčas jaho adsutnaści.

Hałuby acenienyja bolš čym na miljon rubloŭ i najbližejšym časam buduć pieradadzienyja supracoŭnikam mytni.

Kamientary da artykuła