Zatrymany kiroŭca, jaki źbiŭ dzicia i ŭciok ź miesca DTZ

Z mašyny vyjšli žančyna z mužčynam, sabrali askołki i źjechali, pakinuŭšy dzicia ŭ stanie nieprytomnaści na prajeznaj častcy.

Milicyi ŭdałosia ŭstanavić i zatrymać vadziciela, jaki źbiŭ 14 śniežnia ŭ Minsku dzicia i ŭciok ź miesca DTZ.

Jak paviedamiła BiełaPAN staršy inśpiektar pa asablivych daručeńniach upraŭleńnia Dziaržaŭtainśpiekcyi MUS Biełarusi Hanna Banadyk, im akazaŭsia 60-hadovy minčanin. U momant učynieńnia DTZ jon byŭ za rulom «Opiel Astra».

Nahadajem, DTZ adbyłosia na vulicy Karbyšava. Kiroŭca źbiŭ 11-hadovaha chłopčyka, jaki pierachodziŭ prajeznuju častku pa nierehulavanym piešachodnym pierachodzie. U vyniku DTZ chłopčyk atrymaŭ čerapna-mazhavuju traŭmu ciažkaj stupieni i ŭ komie byŭ dastaŭleny ŭ balnicu chutkaj miedycynskaj dapamohi.

Adzin ź vidavočcaŭ skazaŭ, što

z mašyny, jakaja źbiła paciarpiełaha, vyjšli žančyna z mužčynam, sabrali askołki i źjechali, pakinuŭšy dzicia ŭ stanie nieprytomnaści na prajeznaj častcy.

Kamientary da artykuła