U Minsk pryjedzie hurt Accept

Kancert viadomaha niamieckaha chevi-mietał hurta zapłanavany na 7 sakavika.

Kancert viadomaha niamieckaha chevi-mietał hurta Accept płanujecca 7 sakavika 2011 hoda ŭ minskim Pałacy sportu.

Jak paviedamili arhanizatary kancerta, muzykanty pradstaviać biełaruskaj publicy novy albom Blood Of the Nations». Košt biletaŭ na kancert składzie ad 85 da 215 tys. rubloŭ.

Arhanizatary adznačajuć, što Blood Of the Nations — heta pieršy albom Accept za minułaje dziesiacihodździe, dla zapisu jakoha byŭ zaprošany vakalist Mark Tarniła.

Nahadajem, hurt Accept, stvorany ŭ 1971 hodzie, nieadnarazova raspadaŭsia i adnaŭlaŭsia. U ciapierašnim składzie hurtu, akramia vakalista, hitaryst Volf Chofman, basist Pieter Bałtes, hitaryst Hierman Frank i ŭdarnik Štefan Švarcman.

Turne Accept pad łozunham «My hatovy da tryumfalnaha viartańnia!» startavała sioleta. U mai novy albom byŭ prezientavany ŭ Maskvie i Sankt-Pieciarburhu.

Razam z tym praviadzieńnie kancerta ŭ Minsku jašče nie paćvierdžana na aficyjnym sajcie hurtu. Viadoma tolki, što 16–19 lutaha hurt daść kancerty ŭ Skandynavii.

Accept vystupaŭ u Biełarusi tolki adzin raz — u sakaviku 2005 hoda.

Kamientary da artykuła