Pieršyja źviestki pra vyniki vybaraŭ CVK abnaroduje a 20-j viečara ŭ niadzielu

paviedamiła staršynia Centralnaj kamisii pa vybarach i praviadzieńni respublikanskich refierendumaŭ Lidzija Jarmošyna 17 śniežnia ŭ Pałacy Respubliki na adkryćci infarmacyjnaha centra CVK.

Pavodle jaje słoŭ, heta buduć źviestki z zakrytych učastkaŭ (balnicy, sanatoryi, voinskija čaści), dzie padlik hałasoŭ pačynajecca adrazu paśla hałasavańnia ŭsich uklučanych u śpisy vybarščykaŭ.

«Viadoma, heta buduć daloka nie papiarednija navat vyniki vybaraŭ,

ale peŭnyja tendencyi buduć jasnyja», — skazała Jarmošyna.

Pramiežkavyja ličby pra apracavanyja biuleteni pastupiać u CVK z učastkovych kamisij da 23.00. U 23.30 jany buduć paviedamlenyja na pres-kanfierencyi. Apošniaja pierad pierapynkam pres-kanfierencyja adbudziecca «ŭ try-čatyry hadziny nočy». Jarmošyna adznačyła, što na papiarednich prezidenckich vybarach apošniaja pres-kanfierencyja prachodziła na paru hadzin raniej, adnak tady ŭ biuleteniach byli proźviščy čatyroch kandydataŭ, a nie dziesiaci, jak ciapier.

20 śniežnia pieršuju pres-kanfierencyju CVK praviadzie ŭ 10.00. U 11.00 svaju acenku vybaram daduć naziralniki misii SND.

Kamientary da artykuła