Krejmier: Sankcyi — heta adzinaja mova, jakuju razumieje Łukašenka
Usia taja libieralizacyja, pra jakuju tak šmat havaryłasia napiaredadni vybaraŭ, była tolki fasadam, a toje, što adbyłosia ŭ Minsku 19 śniežnia -- heta i jość praŭdzivy Łukašenka.U hetym upeŭnieny dyrektar upłyvovaj amierykanskaj arhanizacyi pa prasoŭvańni demakratyi ŭ śviecie Freedom House Devid Krejmier.
Situacyi ŭ Biełarusi pryśviečana ekskluziŭnaje intervju, jakoje daŭ «Hołasu Amieryki» Devid Krejmier. Nahadajem, u administracyi prezidenta Džordž Buša-małodšaha Devid Krejmier zajmaŭ pasadu namieśnika pamočnika dziaržsakratara pa pytańniach Jeŭropy i Jeŭrazii i vioŭ pieramovy z administracyjaj Łukašenki ad imia ŭrada ZŠA. Jon byŭ adnym ź niamnohich pradstaŭnikoŭ zamiežnych uradaŭ, jakim udałosia prymusić režym Łukašenki pajści na demakratyčnyja sastupki.