«Ja nikoli nie pracavaŭ, nie budu pracavać, a budu tolki kraści!»
Sprava pa č. 2 art. 205 Kryminalnaha kodeksa (kradziež) raspačata ŭ Leninskim RUUS Minska ŭ dačynieńni da 21-hadovaha ŭradženca haradskoha pasiołka Puchavičy.
Jak paviedamili ŭ adździele infarmacyi i hramadskich suviaziaŭ HUUS Minharvykankama, raźbivajučy škło adviortkaj ci prakručvajučy stryžni zamkoŭ, złamyśnik załaziŭ u sałony aŭtamabilaŭ i aŭtobusaŭ i braŭ usio, što ličyŭ dla siabie kaštoŭnym. Heta byli aŭtamahnitoły, akustyčnyja dynamiki, nabory instrumientaŭ i pakinutyja vadzicielami hrošy. Tolki adnamu sa staličnych aŭtaparkaŭ złačynca nanios uron na sumu prykładna 10 młn. rubloŭ.
Ustanoŭlena, što ŭkradzienaje małady čałaviek pradavaŭ taksistam i kiroŭcam maršrutak. Na dopycie jon zajaviŭ: "Ja nikoli nie pracavaŭ, nie pracuju, nie budu pracavać, a budu tolki kraści!"
Maksimalnaja sankcyja č. 2 art. 205 KK — čatyry hady pazbaŭleńnia voli.