«Viciebski kurjer» vyratavaŭ ukrainski trejler
Ukrainski konsuł padziakavaŭ žurnalistam za dapamohu.
Prafesijnyja žurnalisty nikoli nie zastanucca ŭbaku, kali niechta traplaje ŭ biadu. Čaściej za ŭsio jany pryciahvajuć uvahu da prablemy na staronkach svaich vydańniaŭ. Ale žyćcio kali-niekali vymahaje chutkich i kankretnych dziejańniaŭ.
Voś za hetkuju svoječasovuju dapamohu padziakavaŭ «Viciebskamu kurjeru M» konsuł Ukrainy ŭ Respublicy Biełaruś Vasil Siardzieha. U liście, jaki jon dasłaŭ u redakcyju, adznačajecca «dapamoha hramadzianinu Ukrainy Mikołu Cieraščuku, jaki apynuŭsia ŭ peryjad z 18 pa 28 studzienia 2006 hodu ŭ składanaj sytuacyi ŭ suviazi z pałomkaj ukrainskaha aŭtamabila, jaki nakiroŭvaŭsia pa maršrucie Łuki – Sankt-Pieciarburh».
U lutuju ściužu furhon Cieraščuka zaviaz na poŭnačy Viciebskaj vobłaści la vioski Drožyki, pazamiarzali systemy paliva. Kiroŭca dabraŭsia da aŭtakempinhu, jaki znachodziŭsia za šeść kilametraŭ, ale ślesary na čale z haspadarom stajanki Vasilom Ilnickim rady nie dali – aŭtafuru razmarozić nie atrymałasia. Z Haradockaha RAUS dapamohi nie dačakalisia. Kidać trejler na darozie biez achovy było niebiaśpiečna, bo kradziažoŭ z pakinutych furaŭ chapaje.
Cieraščuk, zhodna paradzie Ilnickaha, praz kiroŭcu adnoj z mašynaŭ pieradaŭ prośbu ab dapamozie ŭ «Viciebski kurjer M». U redakcyi dapamohu akazali – karespandent hazety dabiŭsia chutkaha reahavańnia dziažurnaha DAI abłvykankamu, a taksama paviedamiŭ konsułu Ukrainy, jaki adrazu vyjechaŭ na miesca zdareńnia. U vyniku, usio skončyłasia dobra.
U žurnalistaŭ «Viciebskaha kurjera M» bahata dobrych spravaŭ. Hazeta ŭvieś čas atrymlivaje padziaki i ad prostych mieścičaŭ, i ad aficyjnych asobaŭ. Sioleta pačesnuju hramatu Pravasłaŭnaj eparchii atrymaŭ hałoŭny redaktar Uładzimier Bazan. Ci nie tamu, što mnohija šukajuć spraviadlivaści, praŭdy j dapamohi mienavita ŭ žurnalistaŭ niedziaržaŭnaha vydańnia, a nie miascovych čynoŭnikaŭ, hazetu zabaranili raspaŭsiudžvać u dziaržaŭnych šapikach dy druhi hod zapar vyklučyli z padpisnoha katalohu?