19 studzienia — dzień salidarnaści ź biełarusami

19 studzienia ŭ roznych krainach śvietu adbuducca akcyi salidarnaści ź biełaruskim narodam.

Roŭna praź miesiac paśla kryvavaha razhonu mirnaj akcyi pratestu suprać falsifikacyi vynikaŭ vybaraŭ biełarusy zamiežža i prosta nieabyjakavyja ludzi praviaduć akcyi ŭ padtrymku achviaraŭ represij i buduć pratestavać suprać chvali hvałtu, falsifikacyj i chłuśni, jakaja zachlisnuła Biełaruś.

Jak paviedamili aktyvisty z Krakava, studenty krakaŭskich VNU arhanizujuć śpiecyjalnuju akcyju ŭ hety dzień.

Taksama 19-ha Biełaruski svabodny teatr, Amnesty International i Public Theater u Ńju-Jorku pravodziać akcyju pratestu «Free Belarus», u jakoj voźmie ŭdzieł teatralnaja supolnaść Ńju-Jorka. Akcyja adbudziecca z 12-j da 13-j. Pra miesca praviadzieńnia žychary Ńju-Jorka mohuć daviedacca, nabraŭšy na svaim mabilnym telefonie słova «protest» i dasłaŭšy jaho na numar 27138.

Kamientary da artykuła