Tuniscy raspraŭlajucca sa źnienavidnymi svajakami eks-prezidenta

U pryvatnaści, byli zatrymanyja kiraŭnik prezidenckaj achovy, a taksama ziać prezidenta.

Plamieńnik žonki eks-prezidenta Tunisa Imiedy Trabielsi pamior u balnicy ad nažavych ranieńniaŭ, paviedamlaje ŭ niadzielu AFP sa spasyłkaj na piersanał vajskovaha špitala Tunisa. Prezident Ben Ali ŭčora vylecieŭ samalotam u Saudaŭskuju Araviju.

Prezident Ben Ali na TV źvinavaciŭ destruktyŭnyja elemienty ŭ biesparadkach, ale praz hadzinu ŭciok z krainy.

Adzin z rabotnikaŭ miedustanovy paviedamiŭ, što Trabielsi, jaki ličyŭsia ulubioncam siarod šmatlikich plamieńnikaŭ Ben Ali, byŭ dastaŭleny ŭ špital z nažavymi ranieńniami paru dzion nazad i pamior u piatnicu. Abstaviny incydentu, pry jakich svajak prezidenta atrymaŭ śmiarotnyja ranieńni, nie ŭdakładniajucca, adnak, pavodle adnoj ź viersij, ź im «źvioŭ rachunki» były dziełavy partnior.

Takim čynam, Trabielsi, jaki zarabiŭ miljony na apieracyjach ź nieruchomaściu i supracoŭničaŭ z bujnoj francuzskaj handlovaj sietkaj Conforama, staŭ pieršaj achviaraj u najbližejšym atačeńni eks-prezidenta Tunisa ad pačatku biesparadkaŭ ŭ krainie ŭ siaredzinie śniežnia 2010 hoda.

Raniej u piatnicu na fonie bieśpierapynnych vystupaŭ, jakija nabyli antyprezydencki charaktar, Zin al-Abidyn Ben Ali źbieh z Tunisa ŭ Saudaŭskuju Araviju. Častka svajakoŭ źvierhnutaha tuniskaha pravadyra, u tym liku jaho žonka, vylacieli ŭ Arabskija Emiraty.

U subotu pačali pastupać paviedamleńni pra aryšty svajakoŭ i nabližanych źvierhnutaha pravadyra. U pryvatnaści, byli zatrymanyja kiraŭnik prezidenckaj achovy Ali as-Sarajaci, a taksama ziać prezidenta Salim Šajbub, paviedamlaje RIA «Naviny».

Ich abvinavacili ŭ raspalvańni nasilla i stvareńni pahrozy nacyjanalnaj biaśpiecy. Miarkujecca, što heta jany arhanizoŭvali pahromy i rabavańni, kab destabilizavać situacyju i dać padstavy dla hvałtoŭnaha zdušeńnia pratestaŭ.

U mnohich rajonach Tunisa ŭ subotu pačali stvaracca narodnyja kamitety pa abaronie ad dziejańniaŭ rabaŭnikoŭ i pahromščykaŭ. Šerah naziralnikaŭ abvinavačvajuć u biasčynstvach prychilnikaŭ uciekača-prezidenta.

U stalicy — Tunisie — stanovišča zastajecca tryvožnym. Začynienyja kramy, kaviarni i banki. U metach zabieśpiačeńnia paradku ŭ stalicy dziažurać vajskovyja padraździaleńni, uviedzieny tanki. U kramach stajać doŭhija čerhi achvotnych kupić chleb.

Vykonvajučy abaviazki prezidenta Tunisa, staršynia parłamienta krainy ŭ subotu daručyŭ prem'jer-ministru Machamiedu Hanušy sfarmavać novy kaalicyjny ŭrad. Ab svaim namiery ŭziać udzieł u palityčnym žyćci abviaścili mnohija viadučyja apazicyjnyja dziejačy.

Kamientary da artykuła