Čarhovy pieratrus u «Viaśnie»

abnoŭlena pa stanie na 22.00

A ŭ kiraŭnika arhanizacyi, Alesia Bialackaha, trasuć adnačasova kvateru i lecišča.

Advažnych abaroncaŭ pravoŭ čałavieka chočuć pastavić na kaleni.

Jak stała viadoma «NN», kala 16-aj hadziny ŭ ofis pravaabarončaj arhanizacyi «Viasna» sprabujuć trapić supracoŭniki KDB. Jany źbirajucca pravieści tam pieratrus.

Pierad hetym supracoŭniki śpiecsłužbaŭ sprabavali znoŭ-ža paŭtorna trapić u kvateru kiraŭnika arhanizacyi Alesia Bialackaha. Pa stanie na 16.40 u ofisie «Viasny» zastalisia kiraŭnik Aleś Bialacki i pravaabaronca Valancin Stefanovič. Jany vyrašyli ŭpuścić supracoŭnikaŭ śpiecsłužbaŭ u pamiaškańnie, bo tyja mieli aficyjnuju sankcyju na praviadzieńnie pieratrusu.

«Viasna» dapamahła tysiačam ludziej u Biełarusi adstojvać svaje pravy. Ułady zabaranili jaje dziejnaść, ale pravaabaroncy praciahnuli jaje jak pryvatnyja asoby. Lidar pravaabaroncaŭ Aleś Bialacki byŭ abrany vice-prezidentam Mižnarodnaj fiederacyi pravoŭ čałavieka.

U jakaści paniatych kadebisty pryviali susiedziaŭ. Na prapanovu Valancina Stefanoviča taksama pabyć paniatym aficer KDB vietliva adkazaŭ: «Valancin, vašy pasłuhi nam nie spatrebiacca», pieradaje radyjo «Svaboda».

Pieratrus praciahvaŭsia da pałovy na siomuju hadzinu viečara. U vyniku byŭ zabrany adzin noŭtbuk, jaki kdbšniki zdoleli znajści ŭ ofisie. Jak paviedamiła «NN» supracoŭnica «Viasny» Nasta Łojka, paśla hetaha kiraŭnika pravaabarončaj arhanizacyi «Viasna», Alesia Bialackaha, supracoŭniki śpiecsłužbaŭ pavieźli na jahonaje lecišča ŭ Rakaŭ. Adnačasova raspačaŭsia pieratrus u kvatery pravaabaroncy, dzie znachodziłasia jaho žonka.

Kamientary da artykuła