Prakuratura: śmierć Biabienina — samahubstva
Rašeńnie prakuratury Minskaj vobłaści ab admovie va ŭzbudžeńni kryminalnaj spravy pa fakcie śmierci žurnalista Aleha Biabienina nichto nie abskardziŭ. Pra heta paviedamiŭ pieršy namieśnik prakurora vobłaści Mikałaj Pilinkievič.
Pavodle jaho słoŭ, usie, chto mieŭ prava abskardžańnia, naprykład, blizkija svajaki, pahadzilisia z vysnovami śledstva. «A vysnova adna: Biabienin — heta samahubstva», — skazaŭ Mikałaj Pilinkievič.
U pačatku studzienia prakuratura Minskaj vobłaści paŭtorna admoviła va ŭzbudžeńni kryminalnaj spravy pa fakcie hibieli žurnalista, pravioŭšy dadatkovuju pravierku, nakiravanuju na ŭstalavańnie matyvaŭ samahubstva. Ustanavić ich nie ŭdałosia.
Nahadajem, 3 śniežnia 2010 rašeńnie ab admovie va ŭzbudžeńni kryminalnaj spravy pa fakcie hibieli Aleha Biabienina było pryniataje, pakolki skončyŭsia trochmiesiačny termin praviadzieńnia pravierki, i padstaŭ dla ŭzbudžeńnia spravy nie miełasia — prakuratura ŭstanaviła, što žurnalist skončyŭ žyćcio samahubstvam. Zatym naziralny prakuror u prakuratury Minskaj vobłaści admianiŭ pryniataje rašeńnie i adpraviŭ materyjały na dadatkovuju pravierku.
Cieła Aleha Biabienina, zasnavalnika i kiraŭnika papularnaha sajta charter97.org, było znojdziena ŭ piatli 3 vieraśnia na jaho leciščy ŭ vioscy Piarchurava Dziaržynskaha rajona Minskaj vobłaści.
Aleh Biabienin naradziŭsia ŭ 1974 hodzie. Skončyŭ fakultet žurnalistyki Biełaruskaha dziaržaŭnaha univiersiteta. U