Biełaruskija studenty stanuć «kantraktnikami»

Pavodle ale.by z 1 vieraśnia 2011 hoda biełaruskich studentaŭ pieravodziać na kantraktnuju sistemu.

Usie, chto pastupić u 2011 hodzie, musiać padpisać kantrakt z navučalnaj ustanovaj: pavodle novaha ministra adukacyi Siarhieja Maskieviča, heta «istotna dyscyplinuje jak navučencaŭ i studentaŭ, tak i piedahohaŭ, i navat pracadaŭcaŭ." Takuju damovu pavinny buduć padpisać studenty dzionnaha, zavočnaha, biudžetnaha i płatnaha adździaleńnia.

Treba zaŭvažyć, što studenty-płatniki, a taksama studenty, jakija vučacca pa metavym nakiravańni, i raniej padpisvali damovy. Što budzie ŭvachodzić u novuju damovu — pakul nieviadoma, kančatkova jaje forma budzie raspracavana da 1 vieraśnia.

Ale łahična, što ŭviadzieńnie dadatkovaj «dyscyplinavanaści» moža być źviazana z apošnimi padziejami, kali studentaŭ VNU adličvajuć praz hramadskuju aktyŭnaść, a kantraktnaja sistema zmoža dapamahčy lehalizavać padobnyja dziejańni. Vierahodna kantrakt dapamoža ŭ patrebnym rečyščy traktavać takija farmuloŭki, jak «parušeńnie dyscypliny» i «niepaśpiachovaść», praź jakija i ździajśniajucca adličeńni.

Kamientary da artykuła