Prajšoŭ druhi pieratrus u Hanny Šaruby

Supracoŭniki KDB naviedali ź pieratrusam kvateru, dzie aktyvistka Maładoha Frontu Hanna Šaruba pražyvaje razam sa svajoj babulaj. Pieršy raz vobšuk adbyŭsia pa miescy prapiski Hanny — u jaje baćkoŭ, kali dziaŭčyna adbyvała 10-sutačny aryšt za ŭdzieł u Płoščy.

Pieratrus pravodzili troje śpiecsłužbistaŭ: śledčy-kryminalist upraŭleńnia KDB pa Minsku i Minskaj vobłaści Markoŭski A.I., a taksama supracoŭniki Faŭstovič V.V. i Kościkaŭ A. S. Jak značyłasia ŭ pradjaŭlenaj imi pastanovie na praviadzieńnie vobšuku, Hanna Šaruba «źjaŭlajecca aktyŭnaj udzielnicaj niezarehistravanaj arhanizacyi Małady Front, ažyćciaŭlała infarmacyjnuju patrymku Rymašeŭskaha Vitala», tamu «jość padstavy mierkavać, što pa miescy jaje žycharstva mohuć znachodzicca rečy, jakija mohuć mieć dačynieńnie da masavych biesparadkaŭ».

U vyniku prykładna paŭhadzinnaha pieratrusu supracoŭniki KDB skanfiskavali noŭtbuk, jaki naležyć siastry Hanny Šaruby. Pa słovach Hanny, jana sprabavała davieści, što heta nie jaje reč, ale supracoŭnikaŭ śpiecsłužb heta nie spyniła.

Kamientary da artykuła