U Baranavičach pačałasia epidemija hrypu
Haradskija škoły i himnazii začyniajucca na karancin.
Z-za vysokaj zachvorvalnaści vučniaŭ na hryp dy inšyja VRVI z aŭtorka, 8 lutaha, navučalny praces prypyniajecca adrazu ŭ šaści baranavickich ustanovach adukacyi. U sieradu spyniać pracu jašče 2 škoły.
Pra heta Intex-press paviedamiła lekar-epidemijołah Baranavickaha zanalnaha centra hihijeny i epidemijałohii Taćciana Afonik.
Pavodle słoŭ śpiecyjalista, z 8 lutaha začyniajucca tyja škoły, dzie kolkaść adsutnych z pryčyny zachvorvańnia na hryp i inšyja VRVI vučniaŭ dasiahnuła krytyčnaj adznaki — 30% i vyšej. Heta SŠ № 10, 13, 16, 19, 20, a taksama himnazija № 3. U sieradu začyniacca škoły №7 i №9.
Nahadajem, na minułym tydni pa tych ža pryčynach byli začynienyja SŠ № 17 i himnazija № 1, jakija ŭžo ŭ kancy hetaha tydnia znoŭ adčyniać svaje dźviery dla vučniaŭ.
Jak paviedamiła Taciana Afonik, u Baranavickim rehijonie ŭžo druhi tydzień adznačajecca ŭstojlivaje narastańnie epidemičnaha pracesu. Raźlikovy epidemičny ŭzrovień zachvorvańnia nasielnictva vostrymi reśpiratornymi infiekcyjami ŭ rehijonie siońnia pieravyšany bolš čym na 50%.
Za minuły tydzień u paraŭnańni z papiarednim vyrasła i ŭdzielnaja vaha hrypu ŭ ahulnaj struktury VRVI — z 19% da 42%.
«Faktyčna my rasceńvajem takuju situacyju, jak pačatak epidemii», — padahulniła Taćciana Afonik.