Ad kanca kastryčnika roźnica pamiž Minskam i Maskvoj składzie dźvie hadziny
U Rasii Miadźviedzieŭ admianiŭ pierachod na zimovy čas.
Prezident Rasii Dźmitryj Miadźviedzieŭ pastanaviŭ z vosieni 2011 hoda admianić pierachod krainy na zimovy čas.
«Ja pryniaŭ rašeńnie pra admienu pierachodu na zimovy čas — pačynajučy z vosieni hetaha hoda. I daju adpaviednaje daručeńnie ŭradu», — skazaŭ jon na sustrečy z maładymi navukoŭcami i łaŭreatami premii prezidenta RF u halinie navuki i inavacyj za 2010 hod, paviedamlaje Bi-Bi-Si.
Pavodle słovaŭ Miadźviedzieva, «nieabchodnaść adaptavacca [da źmienaŭ času] źviazana i sa stresam, i z zachvorvańniami».
Takim čynam, pieravod strełak na hadzinu napierad u apošniuju niadzielu sakavika 2011 hoda dla Rasii stanie apošnim.
Pra anałahičnyja zachady ŭ Biełarusi pakul ničoha nieviadoma,
ale kali ŭ nas zachavajecca pierachod na zimovy čas, to z 30 kastryčnika 2011 hoda pa 26 sakavika 2012 hoda roźnica pamiž minskim i maskoŭskim časam składzie dźvie hadziny. Potym vierniecca da adnoj hadziny.