Advakatam admovili ŭ spynieńni kryminalnaj spravy suprać rasiejcaŭ
Śledčaje ŭpraŭleńnie HUUS Miensku admoviła ŭ spynieńni kryminalnaj spravy suprać dvuch aryštavanych hramadzianaŭ Rasiei. Ich vinavaciać va ŭdziele ŭ masavych biesparadkach.
Pra heta paviedamiŭ Interfaksu daradca ambasady Rasiei ŭ Biełarusi Vadzim Husieŭ.
Jon adznačyŭ, što śledčyja adchilili chadajnictva advakataŭ dvuch hramadzian Rasiei, Arcioma Breŭsa i Ivana Haponava, pra spynieńnie kryminalnaj spravy. Patłumačyć matyviroŭku hetaha rašeńnia ŭ śledčym upraŭleńni admovilisia.
Taksama admoŭlena ŭ chadajnictvie źmianić aryštavanamu Haponavu mieru strymańnia na padpisku ab niavyjeździe.
«Składajecca ŭražańnie, što los aryštavanych rasiejcaŭ pradvyznačany jašče da sudu. Miarkujučy pa ŭsim, biełaruski bok viadzie spravu da taho, kab zładzić nad rasiejcami pakazalny sudovy praces, što ambasada ličyć niedapuščalnym», — skazaŭ Husieŭ.