U Minharvykankam padadzienaja zajaŭka na akcyju 25 Sakavika
Akcyju płanujuć pravieści ŭ formie mitynhu i šeścia. Mitynh miarkujecca pačać, a18-j kala budynka prezidyuma Nacyjanalnaj akademii navuk. A 19.00 pavinna pačacca šeście da skviera imia Janki Kupały, dzie z 20.00 da 21.00 maje adbycca jašče adzin mitynh.
Akcyja projdzie pad łozunhami «Svaboda palitviaźniam!» i «Biełaruś budzie volnaj!»
Zajaŭku ŭ harvykankam padpisali staršynia Partyi BNF Alaksiej Janukievič i staršynia ruchu «Za svabodu» Alaksandr Milinkievič, namieśnik staršyni Abjadnanaj hramadzianskaj partyi Leŭ Marholin, pradstaŭniki kampanii «Havary praŭdu!» Andrej Dźmitryjeŭ, ruchu salidarnaści «Razam» Aleś Makajeŭ i arhkamiteta pa stvareńni partyi «Biełaruskaja chryścijanskaja demakratyja» Iryna Hubskaja.
Na Dzień Voli 25 sakavika demakratyčnyja siły tradycyjna ładziać mitynhi i šeści.