Uzłamany błoh Ałkajeva, u jakim jon vykładaje kampramat na Šejmana
Nieviadomyja vydalili adzin z dopisaŭ i ŭsie kamientary da jaho.
Nieviadomyja vydalili dopis, na jakim było źmieščana dakładnaja zapiska Navumava Łukašenku z materyjałami, što kampramietujuć Šejmana, a taksama ŭsie kamientary da jaho.
«Siońnia nočču paśla majho adkazu na kamientary adnaho praźmierna aktyŭnaha «čytača» majho ŽŽ, nieviadomymi byŭ vydaleny papiaredni dopis z usimi kamientarami. Kamientavać situacyju nie baču sensu, bo ŭsio i tak vidavočna. Prosta znoŭ publikuju vydaleny dopis», — napisaŭ 13 lutaha ŭ svaim dziońniku były načalnik minskaha SIZA, palitemihrant Aleh Ałkajeŭ.
U svaim błohu Ałkajeŭ vykładaje kampramat na Viktara Šejmana i jaho atačeńnie. U siaredzinie studzienia jon dasłaŭ hetyja materyjały hałoŭnamu redaktaru «Sovietskoj Biełoruśsii» Paŭłu Jakuboviču i staršyni KDB Vadzimu Zajcavu z prośbaj aznajomicca ź imi i nadrukavać ich. Nie dačakaŭšysia adkazu, jon pačaŭ vykładać materyjały ŭ svaim błohu.
Siońnia jon adnaviŭ vydaleny zapis.