«Rastechnałohii» prapanoŭvajuć abjadnać KAMAZ i MAZ u adnu kampaniju
Ułady Biełarusi majuć atrymać u akcyjaniernym kapitale KAMAZa pakiet akcyj u abmien na 100% akcyj MAZa.
Rasijskaja dziaržaŭnaja karparacyja «Rastechnałohii» nakiravała kiraŭnictvu Biełarusi list z prapanovaj abjadnać najbujniejšaha rasijskaha vytvorcu hruzavych aŭtamabilaŭ — AAT «KAMAZ» — i Minski aŭtamabilny zavod (AAT «MAZ») u adnu kampaniju.
Zhodna z prapanovaj, u vyniku KAMAZ budzie vałodać 100% akcyj MAZa, a ŭłady Biełarusi buduć mieć pakiet akcyj u KAMAZie, paviedamiŭ RIA Novosti kiraŭnik «Rastechnałohij» Siarhiej Čemiezaŭ.
Pavodle jaho słoŭ, miarkujecca pravieści dadatkovuju emisiju akcyj KAMAZa. Zatym ułady Biełarusi atrymajuć u akcyjaniernym kapitale KAMAZa pakiet akcyj u abmien na 100% akcyj MAZa. Čemiezaŭ dadaŭ, što naŭrad ci heta budzie błakujučy pakiet. Usio budzie zaležać ad taho, u jakuju sumu budzie acenieny MAZ. Rasijski bok pakul acenku nie pravodziŭ.
Čemiezaŭ taksama zaznačyŭ, što akcyjaniery KAMAZa Daimler i JEBRR nie suprać takoha abjadnańnia.