Kudryn paličyŭ niežyćciazdolnym inavacyjny scenar raźvićcia Rasii

Zachavańnie deficytu biudžetu Rasii na ŭzroŭni 2% VUP na pieryjad da 2020 hoda nieprymalnaje. Pra heta zajaviŭ vice-premjer, ministr finansaŭ RF Alaksiej Kudryn, vystupajučy na Krasnajarskim ekanamičnym forumie.

«Minekanamraźvićcia padrychtavała prahnoz da 2030 hoda, dzie jość dva scenary — inavacyjny i kansiervatyŭny (syravinny). Inavacyjny zychodzić z rostu cenaŭ na naftu da 100 dalaraŭ za barel da 2020 hoda i zachavańnia deficytu prykładna 2% da 2020 hoda», — skazaŭ Kudryn. Taki prahnoz, na dumku ministra, «niežyćciazdolny».

«Nam daviadziecca jaho istotna pierarabić, bo, pa sutnaści, heta jašče vialikaja zaležnaść ad nafty i vialikija ryzyki dla makraekanomiki, čym byli da kryzisu», — adznačyŭ Kudryn.

Zhodna z zakonam ab fiederalnym biudžecie na 2011 hod, a taksama na płanavy pieryjad 2012—2013 hh., padpisanym prezidentam Rasii 13 śniežnia 2010, u najbližejšyja hady deficyt biudžetu budzie źnižacca. Tak, u 2011 hodzie jon pavinien skłaści 3,6% VUP, a ŭ 2012–2013 hadach — 3,1 i 2,9% VUP adpaviedna.

Deficyt fiederalnaha biudžetu Rasii pa vynikach 2010 hoda skłaŭ 3,9% VUP.

Raniej prem'jer-ministr Rasii Uładzimir Pucin nieadnarazova zajaŭlaŭ, što krainie nieabchodna praź niekalki hadoŭ vyjści na biezdeficytny biudžet. Čakajecca, što hetaja zadača budzie vykananaja da 2015.

Kamientary da artykuła