Jevanhielli pa-biełarusku ŭ Siecivie
Pierakład ździejśnieny kaściołam.
Na sajcie Catholic.by ŭ raździele «Biblijateka» źjaviłasia novaja rubryka «Śviatoje Pisańnie», u jakoj źmieščany Jevanhielli (pavodle Maćvieja, Marka, Łuki, Jana) na biełaruskaj movie. Pierakład Jevanhiellaŭ ździejśnieny Siekcyjaj pa pierakładzie liturhičnych tekstaŭ i aficyjnych dakumientaŭ Kaścioła pry Kanfierencyi Katalickich Biskupaŭ u Biełarusi.
Jevanhielli pierakładzieny pavodle: «Novum Testamentum Graece et Latine». Nestle-Aland. Stuttgart 2002; «Nova Vulgata Bibliorum Sacrorum». Editio typica altera. Pierakład Jevanhiellaŭ paraŭnany ź inšymi sučasnymi pierakładami i stylistyčna apracavany.
Pry padrychtoŭcy pierakładu Jevanhiellaŭ vykarystoŭvaŭsia tekst «Lekcyjanaryja», jaki byŭ raniej (2002–2005 hh.) pierakładzieny Siekcyjaj z aryhinalnych movaŭ i apracavany pavodle «Ordo lectionum Missae» (Editio typica altera). «Lekcyjanaryj» u ličbavym farmacie źmieščany na sajcie ŭ raździele «Liturhija».
Teksty Jevanhiellaŭ źmieščany ŭ PDF-farmacie, ź ciaham času jany buduć dastupny i ŭ HTML-viersii.