Sud nad Atroščankavym
abnaŭlajecca, dadałosia videa
Adnačasova z pres-sakratarom Sańnikava ŭ sudzie Frunzienskaha rajona Minska sudziać Małčanava i Novika.
Alaksandr Atroščankaŭ, Alaksandr Małčanaŭ i Źmicier Novik.
Alaksandr Atroščankaŭ.
Alaksandr Małčanaŭ.
Sudździa Taćciana Čarkas
Dźmitryj Novik.
dziasiatki čałaviek nie zmahli trapić u zału suda.
Kiraŭniki štaboŭ Niaklajeva i Sańnikava -- Andrej Dźmitryjeŭ i Uładzimir Kobiec.
17:25
Videa z techničnych pryčyn dahladzieć nie ŭdałosia, abvieščany pierapynak da ranicy sierady. Sudovaje pasiadžeńnie adnovicca, a
16:48
Praciahvajecca prahlad videa. Heta zdymki milicyi, na kadrach — Rymašeŭski, jaki daje intervju zamiežnym žurnalistam. Padčas adnaho ź intervju na Płoščy Niezaležnaści jon kaža, što «nijakich siłavych scenaroŭ z našaha boku nie budzie».
16:17
Pačynajecca prahlad videa z płoščy, advakaty prasili pieranieści prahlad na nastupnaje pasiadžeńnie, ale sudździa admoviłasia.
16:06
Šałko nie bačyŭ, kab demanstranty supraciŭlalisia śpiecnazu, tolki bačyŭ sproby demanstrantaŭ adbivacca vudačkami, inšych rečaŭ u rukach nie bačyŭ.
15:51
Šałko apaznaŭ Atroščankava: niby toj pichaŭ natoŭp na dźviery, taksama Šałko čuŭ, jak Rymašeŭski zaklikaŭ narod supakoicca, a Sańnikaŭ i Statkievič — naadvarot. Apošni, pavodle jaho słovaŭ, padyšoŭ, zazirnuŭ u dźviery, uśmichnuŭsia i adyšoŭ.
15:44
Šałko skazaŭ, kali demanstranty vyjšli na praśpiekt z Kastryčnickaj, niechta ź jaho ruk vychapiŭ kamieru i raźbiŭ ab asfalt, paśla jon atrymaŭ novuju kamieru i pačaŭ zdymać dalej.
15.37
Šałko kazaŭ, što Statkievič zaklikaŭ iści da Administracyi prezidenta, «kab kahości vykinuć z fatela». «Dasłoŭna nie pamiataju», — skazaŭ śviedka.
15.31
Dopyt śviedki Šałko Mikałaja — ekśpierta kryminalistyčnaj kamisii Minharvykanama. Vioŭ videazdymki 19 śniežnia na płoščach Kastryčnickaja i Niezaležnaści.
15.30
Novik spytaŭ u Antonava, čamu jon, milicyjant, nie sprabavaŭ spynić bićcio škła. Antonaŭ skazaŭ, što vykonvaŭ tolki pastaŭlenuju zadaču — zdymaŭ na kamieru.
15.20
Antonaŭ kaža, što treci prajom centralnych dźviarej sprabavali pracisnuć ludzi.
15.12
Antonaŭ zajaviŭ, što mitynhoŭcy vyryvali ščyty ŭ milicyjantaŭ.
Antonaŭ zaśviedčyŭ, što bačyŭ Atroščankava, Kłaskoŭskaha, Novika, jakija z natoŭpam sprabavali prarvacca ŭ budynak Doma ŭrada. Ale kaža, što Atroščankaŭ nie byŭ u pieršym šerahu ludziej. Udaraŭ pa zaharodkach jon nie nanosiŭ. Milicyjant nie pomnić kurtku, u jakoj byŭ Atroščankaŭ, ale zapomniŭ «chvalistuju» šapku.
15.02
Dopyt śviedki Dzianisa Antonava, supracoŭnika HUUS Minharvykankama. 19 śniežnia z 20.00 jon rabiŭ videazapis padziej na pł. Kastryčnickaja.
15.00
Kazyra paznaŭ u Małčanavym čałavieka, jaki zryvaŭ dziaržaŭny ściah na budynku KDB 19 śniežnia.
14.48
Dopyt nastupnaha śviedki — aficera KDB Valancina Kazyry.
14.46
Palakoŭ skazaŭ, što paśla pa zahadzie načalnika vychodziŭ z budynka KDB, kab źniać
14.42
Palakoŭ kaža, što paśla 20.00 19 śniežnia jon ubačyŭ vialikuju masu ludziej, jakaja ruchałasia pa praśpiekcie Niezaležnaści. Kab nie pravakavać natoŭp, jon syšoŭ unutr budynka. Jon śviedčyć, što nie bačyŭ nijakich bojek, nie bačyŭ, kab niechta kidaŭ butelki.
14.37
Dopyt śviedki Vitala Palakova, supracoŭnika KDB. Jon
14.34
Z hetych śviedčańniaŭ vynikaje, što Małčanaŭ raskazvaŭ Palityku pra ŭdzieł u mitynhu. Śviedka ŭsio roŭna kaža, što nie pomnić razmovy, spasyłajučysia na daŭninu.
14.32
Prakuror kaža pra supiarečnaści pamiž śviedčańniami Palityki ciapier i padčas papiaredniaha śledstva. Začytvajecca pratakoł z papiaredniaha śledstva.
14.30
Palityka kaža, što nie pomnić, ci telefanavaŭ jamu Małčanaŭ z Płoščy. Na bolšaść pytańniaŭ śviedka adkazvaje, što padziei, pra jakija pytajucca, byli daŭno, tamu jon ničoha nie pamiataje. «Niepatrebnuju infarmacyju ja nie zapaminaju», — zajaviŭ Palityka.
14.26
Pačynajecca dopyt druhoha śviedki — Palityki Valancina, siabra Małčanava.
14.22
Małčanaŭ paćvierdziŭ słovy Sazonava.
14.15
Śviedka Sazonaŭ, spasyłajučysia na słovy samaha Małčanava, raskazvaje, što toj padčas mitynhu 19 śniežnia z
14.09
U zale majucca svabodnyja miescy, ale nie ŭsim žadajučym dazvolili ŭvajści.
14.06
Pačynajecca dopyt śviedkaŭ. Pieršy — Siarhiej Sazonaŭ, siabar Alaksandra Małčanava.
14.04
Skončyŭsia pierapynak. Sudovaje pasiadžeńnie praciahvajecca.
* * *
13:09
Na pracesie abvieščany pierapynak. Pravaabaronca Alena Tankačova vykazał mierkavańnie, što siońnia prysud nie budzie abvieščany, pakolki jašče nie adbyłasia dyskusija i aznajamleńnie sa spravaj, što zajmaje šmat času.
12.30
Pačaŭsia dopyt Źmitra Novika.
«19 śniežnia ja byŭ na Kastryčnickaj płoščy kala 19 hadzinaŭ. Ja viedaŭ, što tam budzie mitynh, ja raniej nie braŭ u ich udziełu i chacieŭ pabačyć, što heta takoje. Daviedaŭsia sa ŚMI, ź internetu ŭ pieršuju čarhu. Ahučvalisia ŭ ŚMI roznyja mety mitynhu — u tym liku čakańnie aficyjnych vynikaŭ vybaraŭ. Ja nia viedaŭ, ci dazvoleny hety mitynh».
«Na płoščy Niezaležnaści ludzi viali siabie mirna. Nijakaha namieru zachapić Dom urada ŭ ludziej nie było», paviedamlaje Radyjo Svaboda.
«Heta była akcyja pratestu. AMAP pačaŭ adsiakać ludziej. Ja nie bačyŭ, jak łamali dźviery».
«Kali ja apynuŭsia la Doma ŭrada, dźviery akazalisia pabitymi».
«Ludzi pavodzili siabie mirna. Natoŭp nie byŭ ahresiŭnym.
Była ŭ ludziej ejfaryja. Na 15 siekundaŭ ja padbieh da ŭvachodu i stuknuŭ nahami pa zaharodcy. Paźniej supakoiŭsia i vyrašyŭ syści, bo AMAP budzie razhaniać i stała niebiaśpiečna».
«10 razoŭ ja udaryŭ nahoj u zaharodku i 2–3 razy šturchnuŭ jaje rukami
. Ciapier mnie soramna za heta. Heta było nieabdumana. U samim mitynhu ničoha kiepskaha nie było. Heta mirnaja akcyja».
Novik skazaŭ, što byŭ kiroŭcam u ambasadzie Abjadnanych Arabskich Emirataŭ.
«Namieru źniščyć dźviery nie było. Biŭ pa stałach i zaharodcy, jakija nie byli paškodžanyja. A dźviery byli razłamanyja i raniej».
* * *
12.25
Advakat paprasiŭ dałučyć da spravy rekamendacyjny list, jaki paćviardžaje, što na momant znachodžańnia na Płoščy Atroščankaŭ supracoŭničaŭ ź mižnarodnym infarmacyjnym partałam Delfi. Sudździa dałučyła dakumient da spravy.
12.20
Chrosnaja maci Alaksandra Atroščankava Alena Kudrova napisała skarhu na dziejańni milicyjantaŭ u cyvilnym, jakija prapuskali ludziej u zału suda. Žančyna ličyć ich prafnieprydatnymi. Sp. Kudrova skazała, što pryjechała za paŭtary hadziny da pačatku suda, ale ŭ zału tak i nie trapiła. Milicyjanty, pa jaje słovach, nie zdoleli za hety čas arhanizavać svabodny propusk navat 36 čałaviek.
12.02
Dva čałavieki ŭ cyvilnym pieryjadyčna zdymajuć na kamiery tych, chto čakaje kala zały suda.
12.00
Stryječny brat Alaksandra Atroščankava Cimafiej pajšoŭ pisać skarhu na dziejańni milicyjantaŭ u cyvilnym, jakija arhanizoŭvali zapusk ludziej u zału suda. Na dumku Cimafieja, hetyja ludzi nie spravilisia sa svaimi abaviazkami, bo nie ŭsie žurnalisty i svajaki abvinavačanych trapili ŭ zału. Padobnuju skarhu źbirajucca pisać i inšyja svajaki.
11.50
Darja Korsak viarnułasia ŭ zału suda.
11.48
Pačynajecca dopyt Atroščankava.
Z abvinavačanym Małčanavym Atroščankaŭ zusim nieznajomy. Z Novikam bačyŭsia da taho adzin raz padčas vybarnaj kampanii — pahutaryli pra vybary, zbor podpisaŭ. Heta byŭ karotki epizod, paviedamlaje Radyjo Svaboda,
Abvinavačvańnie: «Ź jakoj metaj pryjšli na Płošču?»
Atroščankaŭ: «Ja pryjšoŭ, kab prysutničać na mitynhu. Prezidenckija vybary — vielmi značnaja padzieja, i ja pryjšoŭ, jak žurnalist, aśviatlać hety mitynh».
Abvinavačvańnie: «Ci viadoma vam było, jakaja meta mitynhu?»
Atroščankaŭ: «Ja viedaŭ, što tam buduć kandydaty na prezidenta. Ja viedaŭ, što kandydaty na prezidenta płanujuć mirnuju akcyju».
Abvinavačvańnie: «Ci možna nazvać heta akcyjaj pratestu?»
Atroščankaŭ: «Nie viedaju».
Adnak Atroščankaŭ pryznaŭ, što tam byli ludzi, niazhodnyja z Łukašenkam. Jak žurnalist, jon chacieŭ aśviatlać, što adbyvałasia na płoščy.
Jak presavy sakratar, jon sa ŚMI kantaktavaŭ bolš u techničnym klučy, arhanizoŭvaŭ intervju Andreja Sańnikava, svaich kamientaroŭ nie davaŭ. «Ja nikoha nie zaklikaŭ pryjści na mitynh», — zajaviŭ Atroščankaŭ.
Raspaviadaje, što asabista rabiŭ na Kastryčnickaj płoščy i płoščy Niezaležnaści: «Tam byli ŭsie apazicyjnyja kandydaty, aprača Niaklajeva. Źmiest ich vystupaŭ zhadać nie mahu».
Sam stajaŭ la pomnika Lenina i staraŭsia strymlivać žurnalistaŭ, jakija chacieli uźniacca da kandydataŭ, kab nie było ciskaniny.
Sprobaŭ adkryć zabarykadavanyja dźviery ja nie bačyŭ.
Nijakich pradmietaŭ u rukach ludziej, jakija bili dźviery, nie bačyŭ.
Paźniej razam z natoŭpam padyšoŭ da budynku Doma ŭradu. Kali vyskačyli śpiecnazaŭcy, ja znachodziŭsia la hanku Doma ŭrada.
Sudździa: «Ci sam natoŭp pajšoŭ da Doma ŭrada ci zaklikali?»
Atroščankaŭ: «Ja nie čuŭ takich zaklikaŭ…. Ja nie braŭ udziełu u masavych biesparadkach. Dla mianie navat sumnieŭna, što tam byli biesparadki.
Nie było nijakich padpałaŭ, nie było supraciŭleńnia milicyi. Było tolki raźbita niekalki šybaŭ…
Kali pačaŭsia razhon, tady ja pakinuŭ płošču Niezaležnaści».
***
11.35
Z zały suda vyjšła žonka Atroščankava Darja Korsak. Joj stała drenna, bo ŭ zale dušna. Darja da žurnalistaŭ nie padychodzić pakul: siadzić u kalidorčyku za mietałašukalnikam. Padyści da jaje taksama nielha.
11:31
Babula Siarhieja Marcaleva pryjšła padtrymać palitviaźniaŭ, ale žančynu nie puścili ŭ zału suda.
Padtrymać Atroščankava, Małčanava i Novika pryjšła babula Siarhieja Marcaleva. Žančynu nie puścili na sud, ale jana praciahvaje čakać naviny ŭ kalidory razam z žurnalistami. Zoja Fiodaraŭna paviedamiła, što ad unuka, byłoha kiraŭnika vybarčaha štaba Mikałaja Statkieviča, try tydni niama źviestak. Druhi i pakul apošni list ad Siarhieja Marcaleva jana atrymała 10 lutaha.
***
11.09
Jak paviedamlaje Radyjo Svaboda, pačaŭsia dopyt Małčanava.
Abvinavačvańnie: «Ź jakoj metaj pryjechaŭ
Małčanaŭ: «Ja pryjechaŭ u Miensk, kab uziać udzieł u demanstracyi».
Abvinavačvańnie: «Kali vyrašyli?»
Małčanaŭ: «Ja viedaŭ pra jaje zadoŭha, a kankretnaje rašeńnie pryniaŭ za dzień da pačatku… Ja nie zhodny z palitykaj dziejnaha prezidenta, chacieŭ dałučycca da ludziej, jakija taksama niazhodnyja…. Daviedaŭsia pra mitynh sa ŚMI, moj pryjezd byŭ majoj asabistaj inicyjatyvaj… Prybyŭ u Minsk na mašynie z
Dalej raspaviadaje, što rabiŭ u Minsku da Płoščy.
«Kali ludzi pajšli ŭ bok Płoščy Niezaležnaści, ja zhubiŭ chłopcaŭ, ź jakimi pryjechaŭ i išoŭ adzin u natoŭpie. La budynku KDB ja sarvaŭ 2 dziaržaŭnyja ściahi, zalezšy na kałonu. Ja ničoha nie skandavaŭ. Ludzi skandavali: „Para mianiać łysuju ryzinu“.
Ja byŭ upeŭnieny, što mitynh projdzie mirna, vystupiać ludzi, nie budzie nijakich razhonaŭ i pahromaŭ, vystupiać byłyja kandydaty ŭ prezydenty.
Kali prachodzili paŭz KDB chtości skazaŭ, što kab ja byŭ vyšej, to sarvaŭ by hetyja ściahi,
a mnie rost dazvalaŭ i ja padbieh sarvaŭ. U mianie była ejfaryja, nijakaj ahresii,
pačuŭ prapanovu, a pra jaje sutnaść nie zadumvaŭsia. Vialiki šumny natoŭp, usie radasnyja i hety nastroj pieradaŭsia mnie. Kinuŭ dva dziaržaŭnyja ściahi na ziamlu, bo nie źbiraŭsia ich nieści dalej.
Dalej pajšoŭ na Płošču niezaležnaści, zalez na śniehaŭboračny traktar, pamachaŭ ź jaho
Dalej pajšoŭ na Płošču niezaležnaści, zalez na śniehaŭboračny traktar, pamachaŭ ź jaho
Abvinavačvańnie: «Ź jakoj metaj nanosili urady?»
«Heta byŭ efekt natoŭpu. Ja nie dumaŭ pra heta, ź jakoj metaj heta rablu. Była peŭnaja eŭfaryja. Ja zakinuŭ za aharodžu skoł škła, kab jon nie traŭmavaŭ ludziej. Dumaŭ, što tam za zaharodkaj niama ludziej. Paźniej ja pabačyŭ, što tam jość supracoŭniki milicyi.
Kali ja ŭźniaŭsia na dźviery, kab pahladzieć što tam, dźviery byli ŭžo adkrytyja. Pabačyŭ kandydata Rymašeŭskaha? jaki sprabavaŭ spynić natoŭp. Paśla Płoščy pajšoŭ na Čyhunačny vakzał i sieŭ na elektračku ŭ Barysaŭ. Hetych ludziej, ź jakimi ŭ adnym pracesie? ja nie viedaŭ raniej.
Na siońniašni momant aceńvaju svaje dziejańni —
heta była pamyłka, biesparadki i chulihanstva i ŭ ich nie varta było prymać udziełu. Zaraz ja škaduju, što pryniaŭ u hetym udzieł»
Na pytańnie advakata Sankoviča Małčanaŭ adkazaŭ, što nie čuŭ patrabavańniaŭ milicyi na Płoščy Niezaležnaści. Tolki ŭžo pad čas razhonu pačuŭ ich patrabavańni razyścisia.
***
11.05
Začytanaje abvinavačvańnie Małčanavu: abraza dziaržaŭnych simvałaŭ. Sarvaŭ z budynku KDB dva
Novika vinavaciać u tym, što jon razam z natoŭpam braŭ aktyŭny ŭdzieł u masavych biesparadkach z uzbrojenym supracivam pradstaŭnikam ułady. Kala 22.00 19 śniežnia razam z Małčanavym i Atroščankavym sprabavaŭ niezakonna prajści ŭ Dom urada. Nanios nie mieniej za 21 udar u dźviery.
Atroščankaŭ abvinavačvajecca ŭ tym, što dziejničaŭ u składzie natoŭpu, uziaŭ aktyŭny ŭdzieł ŭ masavych biesparadkach. U 22.15 jon uzhodniena z Małčanavym i Novikam sprabavaŭ z prymianieńniem fizičnaj siły trapić u Dom urada. Nanios nie mieniej za adzin udar.
Heta paviedamlaje Svaboda.org.
Sud pačaŭ dopyt Małčanava.
Małčanaŭ svaju vinu pryznaŭ całkam. Novik — pryznaŭ častkova.
Alaksandr Atroščankaŭ svajoj viny nie pryznaje, paviedamlaje belsat.eu.
11.10
Z zały suda vyjšaŭ amierykanski dypłamat Krystafier Panika. Jon skazaŭ, što jaho kraina vystupaje za toje, kab z usich abvinavačanych pa hetaj spravie źniali abvinavačańni i adpuścili na svabodu. Dypłamat zaznačyŭ, što adychodzić ad hetych patrabavańniaŭ nie źbirajucca.
10.45
Ludzi, što stajali kala ŭvachodu ŭ zału, razyšlisia. Ciapier tut zastajecca prykładna 20 čałaviek. Małady čałaviek u cyvilnym uvieś čas zdymaje na kamieru ludziej kala ŭvachodu ŭ zału suda.
10.35
Alaksandra Małčanava vinavaciać ŭ źniavazie dziaržaŭnych symbalaŭ i ŭdziele ŭ masavych biesparadkach. Źmitra Novika i Alaksandra Atroščankava — va ŭdziele ŭ masavych biespadarkach, pieradaje Svaboda.org.
***
10.25
Sudździa zabaraniŭ fota- i videazdymku, paviedamlaje spring96.org.
10.25
Hramadski pazoŭnik u sud nie źjaviŭsia. Vyrašyli pačać bieź jaho, pieradaje Svaboda.org.
10.20
U zału suda trapili dypłamaty ZŠA, Łatvii, Čechii dy inšych krainaŭ. Jany buduć nazirać za pracesam, paviedamlaje Svaboda.org.
10.15
Karespandenta «Našaj Nivy» nie puścili ŭ zału pasiedžańniaŭ. My budziem vieści repartažaŭ, hruntujučysia na infarmacyi ad svajakoŭ źniavolenych, pravaabaroncaŭ i inšych ŚMI.
10.05
U sudzie prysutničaje Alaksandr Milinkievič, kiraŭnik Ruchu za Svabodu, ale i jaho nie prapuskajuć u zału.
10.00
Uvieś treci pavierch i leśvicy zabity ludźmi. U zału suda nikoha nie prapuskajuć. Prapuścili piervažna svajakoŭ, dziaržaŭnych žurnalistaŭ i koratka stryžanych małodčykaŭ. Inšym prabicca było ciažka. Ludzi ŭ kalidorach śpiavajuć «Mahutny Boža». Da ich źviarnuŭsia staršynia suda z papiaredžańniem, što jany zaminajuć pracy. Pra heta pieradajuć pravaabroncy na sajcie spring96.org.
9.40
Zała suda ŭsiaho na 36 miescaŭ, malusieńkaja. Tudy zapuskajuć svajakoŭ pa pradjaŭleńni pašparta.
U sudzie Frunzienskaha rajona Minska pačynajecca nadpres-sakratarom kandydata ŭ prezidenty Andreja Sańnikava Alaksandram Atroščankavym.
U adnym pakiecie ź jahonaj buduć razhladacca i spravy Źmitra Novika, Alaksandra Małčanava. Sudzić Taćciana Čarkas.
Čytajcie
Adnačasova sajt budzie vieści
Sudy prachodziać pad znakam učarašnich šakujučych pryznańniaŭ