Kyrhyzstan ustupić u Mytny sajuz i AEP
Kyrhyzstan luboj canoj ustupić u Mytny sajuz i Adzinuju ekanamičnuju prastoru (AEP) Rasii, Kazachstana i Biełarusi, zajaviŭ u čaćvier prem'jer-ministr respubliki Ałmaźbiek Atambajeŭ.
«Kyrhyzstan ustupić u Mytny sajuz Rasii, Kazachstana i Biełarusi. Adzinaja ekanamičnaja prastora nieabchodnaja našaj respublicy. Niejki čas nam moža być ciažka, adnak u dalejšym plusaŭ dla ekanomiki dziaržavy budzie bolš, čym minusaŭ», — skazaŭ jon padčas ŭračystaj cyrymonii pieradačy humanitarnaj dapamohi MNS Rasii kirhizskim ratavalnikam.
Atambajeŭ padkreśliŭ, što tolki abjadnaŭšysia z susiednimi dziaržavami i sajuźnikami, Kyrhyzstan moža dasiahnuć ekanamičnaha rostu.
«U 2011 hodzie ŭ Kyrhyzstanie budzie rekordny biudžet, jahonaja raschodnaja častka składzie kala 2 miljardaŭ dalaraŭ. Ale ekanomika nie spravicca, kali ŭ krainie nie budzie stabilnaści. Ni ŭ jakim razie nielha raspalvać mižnacyjanalnyja kanflikty», — skazaŭ prem'