Upieršyniu za dva miesiacy ź Dźmitryjem Bandarenkam sustreŭsia jaho advakat
Upieršyniu za dva miesiacy ź Dźmitryjem Bandarenkam, davieranaj asobajeks-kandydata ŭ prezidenty Andreja Sańnikava, sustreŭsia jaho advakat Marjana Siamieška.
Jak paviedamiła BiełaPAN žonka Bandarenki Volha, advakat nie bačyła svajho padabaronnaha z 29 śniežnia minułaha hoda. «3 sakavika jana ź im sustrełasia na dopycie. Skazała mnie, što jon trymaŭsia badziora, choć schudnieŭ», — paviedamiła Volha Bandarenka.
Z apošniaha lista Dźmitryja jaho žonka daviedałasia, što ŭ jaho prablemy sa zdaroŭjem. «U jaho prablemy sa straŭnikam, sa śpinaj. Ale advakatu jon ni na što nie skardziŭsia, jon naohuł z tych, chto nie skardzicca», — dadała Volha.
Pavodle słoŭ žonki palityka, paśla pryznańniaŭ Alesia Michaleviča pra katavańni ŭ KDB jana «čakała horšaha».
Stała taksama viadoma, što na 4 sakavika pryznačany čarhovy dopyt Alaksandra Fiaduty, jaki padčas vybarčaj kampanii byŭ davieranaj asobaj kandydata ŭ prezidenty Uładzimira Niaklajeva.
Bandarenka i Fiaduta abvinavačvajucca ŭ arhanizacyi i ŭdziele ŭ masavych biesparadkach u Minsku viečaram 19 śniežnia. Pavodle artykuła 293 Kryminalnaha kodeksa im pahražaje da 15 hadoŭ pazbaŭleńnia voli.