Padadzienaja zajaŭka na praviadzieńnie ŭ Miensku hiej-paradu

«Marš raŭnapraŭja» prymierkavany da Mižnarodnaha dnia supraćstajańnia hamafobii 17 traŭnia.

Aktyvisty hiej-ruchu Biełarusi padali ŭ Minski harvykankam zajavu na praviadzieńnie šeścia «Marš raŭnapraŭja», prymierkavanaha da Mižnarodnaha dnia supraćstajańnia hamafobii 17 maja.

Zajaŭnikami maršu vystupili 5 aktyvistaŭ arhanizacyi IDAHO Belarus.

Meta «Maršu raŭnapraŭja» — vystup u padtrymku pravoŭ čałavieka i hramadzianskaha raŭnapraŭja dla ŭsich ludziej niezaležna ad etničnaj prynaležnaści, relihijnych i kulturnych pierakanańniaŭ, seksualnaj aryjentacyi i hiendernaj identyčnaści.

«Marš raŭnapraŭja — akcyja dla kansalidacyi roznych mienšaściaŭ u Biełarusi, jakija časta zaznajuć dyskryminacyju ŭ toj ci inšaj stupieni. Na hety raz my vyrašyli nie vyryvać z kantekstu pravoŭ čałavieka prava ŁHBT-supolnaści, tamu ŭ metach šeścia pakazali vialiki śpis hrup mienšaściaŭ: heta i nacyjanalnyja mienšaści, i moŭnyja, invalidy i pažyłyja ludzi, seksualnyja mienšaści i ludzi roznaj hiendernaj identyčnaści. Heta maje źnizić uzrovień ahresii z boku hamafobna nastrojenych hramadzian», — zajaviŭ adzin z arhanizataraŭ «Maršu raŭnapraŭja» Siarhiej Pradzied.

Dadzieny marš projdzie ŭ ramkach «Festu raŭnapraŭja», jaki IDAHO Belarus płanuje pravieści z 14 pa 17 maja.

Kamientary da artykuła