23-hadovy śledčy zastreliŭsia padčas dziažurstva
Heta zdaryłasia napiaredadni 8 Sakavika.
Stali viadomyja padrabiaznaści adnaho z siami samahubstvaŭ, što adbylisia ŭ śviatočnyja dni na Brestčynie.
Padčas dziažurstva 7 sakavika ŭ Biarozaŭskim RAUS Bresckaj vobłaści z tabielnaj zbroi zastreliŭsia 23-hadovy milicyjant, paviedamlaje radyjo "Svaboda". Paśla zakančeńnia Akademii MUS aficera nakiravali ŭ Biarozaŭski RAUS, dzie jon pracavaŭ śledčym.
Były načalnik Ivacevickaha RAUS Ivan Ładyha kaža, što vyśviatleńniem pryčyny samahubstva budzie zajmacca nie tolki śledčy adździeł prakuratury Bresckaj vobłaści: słužba ŭłasnaj biaśpieki UUS praviadzie ŭnutranaje raśledavańnie.
Pryčynaj samahubstvaŭ stanoviacca najčaściej sacyjalna-bytavyja prablemy, a jak nastupstva hetaha — i niaŭdačy na pracy:
«Tym nie mienš, pry pastupleńni na słužbu budučyja supracoŭniki milicyi prachodziać śpiecyjalnaje testavańnie ŭ psichołaha. Akramia hetaha, pravodzicca i apytańnie na palihrafie. Samahubstva milicyjanta rasceńvajecca jak nadzvyčajnaje zdareńnie».