U Homieli dapytali maładafrontaŭca Arsienia Asmanava

Na dopyt junak byŭ dastaŭleny ŭ druhoj pałovie dnia 18 sakavika. «Pa mianie pryjechali na «Žyhulach» dachaty i advieźli ŭ KDB, tam ja prabyŭ z treciaj pa piatuju hadzinu».

Pavodle Arsienia Asmanava, supracoŭniki KDB zadavali pytańni pra niekatorych aktyvistaŭ Maładoha frontu i pa padziejach Płoščy-2010. Chłopiec daŭ padpisku ab nierazhałošvańni tajamnicy śledstva.

Udzielnik Płoščy Arsień Asmanaŭ, byŭ zatrymany 20 śniežnia, a 18.10 na pł. Niezaležnaści padčas akcyi pratestu suprać niezakonnaha ŭdziełu Łukašenki ŭ apošnich vybarach, jakuju na druhi dzień paśla masavych zatrymańniaŭ 19 śniežnia ładziŭ Małady Front.

Arsień adsiadzieŭ 15 sutak, u vyniku byŭ adličany z farmuloŭkaju «za niepaśpiachovaść» z 2-ha kursa Homielskaha dziaržaŭnaha univiersiteta imia F.Skaryny.

Kamientary da artykuła