Barysa Chamajdu znoŭ aštrafavali za bieł-čyrvona-bieły ściah

Užo čaćviorty raz za hety miesiac sudździa Čyhunačnaha rajsudu Ŭładzisłaŭ Šykaroŭ aštrafavaŭ viciebskaha apazycyjanera na 1 miljon 50 tysiač rubloŭ. Hetym razam — za napisańnie ahulnanacyjanalnaj dyktoŭki pad bieł-čyrvona-biełym ściaham.

Barys Chamajda vyrašyŭ adznačyć Dzień Voli napisańniem dyktoŭki kala tak zvanaha «siniaha doma» — doma № 28 na vulicy Lenina, dzie jon raspaŭsiudžvaje niezaležnuju presu. Spadaru Chamajdu pieraškodzili milicyjanty: im nie spadabaŭsia bieł-čyvona-bieły ściah, jaki ŭźniaŭ aktyvist.

Barys Chamajda praciahvaŭ pisać dyktoŭku i ŭ pastarunku — pierapisvaŭ «List z-pad šybienicy» Kastusia Kalinoŭskaha z knihi, pakul na jaho składali pratakoł.

Sudździa Čyhunačnaha rajsudu Ŭładzisłaŭ Šykaroŭ nia tolki aštrafavaŭ apazycyjanera na 30 bazavych vieličyń. Jon pastanaviŭ, kab u spadara Chamajdy byŭ skanfiskavany bieł-čyrvona-bieły ściah i ŭsie pryłady dla jaho macavańnia.

Z 2 sakavika heta ŭžo čaćviorty štraf, nakładzieny sudździom Uładzisłavam Šykarovym na Barysa Chamajdu za bieł-čyrvona-biełyja ściahi. Apazycyjanera karajuć za toje, što jon peryjadyčna vychodzić u centar Viciebsku z nacyjanalnym symbalem, pravodziačy adnaasobnuju akcyju «2011 hod — hod nacyjanalnaha ściaha», prymierkavanuju da 20-hodździa abviaščeńnia niezaležnaści Biełarusi.

Kamientary da artykuła