MUS: Chamičenka — nie navušnik
Pradjaŭlena kančatkovaje abvinavačańnie najbolš aktyŭnym udzielnikam masavych biesparadkaŭ 19 śniežnia
4 krasavika śledčaje ŭpraŭleńnie papiaredniaha rasśledavańnia HUUS Minharvykankama pradjaviła abvinavačańni najbolš aktyŭnym udzielnikam masavych biesparadkaŭ 19 śniežnia 2010 hoda.
Jak paviedamiła ŭpraŭleńnie infarmacyi i hramadskich suviaziaŭ MUS Biełarusi, abvinavačańnie va ŭčynieńni złačynstva, praduhledžanaha č. 2 art. 293 KK (masavyja biesparadki) pradjaŭlena členu inicyjatyŭnaj hrupy kandydata ŭ prezidenty na
Astatnim najbolš aktyŭnym udzielnikam masavych biesparadkaŭ — Paŭłu Vinahradavu, Uładzimiru Chamičenku i Andreju Fiedarkieviču — abvinavačańnie budzie pradjaŭlena 5 krasavika 2011 hoda.
Śledstvam ustanoŭlena, što dziejańni abvinavačvanych, jakija supravadžalisia źniščeńniem majomaści, «byli skiravanyja na supraćpraŭnaje praniknieńnie ŭ Dom urada šlacham naniasieńnia paškodžańniaŭ administracyjnamu budynku dziaržaŭnaj ustanovy „Hałoŭnaje haspadarčaje ŭpraŭleńnie“ Kiraŭnictva spravami prezidenta Respubliki Biełaruś, havorycca ŭ paviedamleńni UIHS MUS.
MUS taksama asprečvaje paviedamleńni ŭ ŚMI, što źjavilisia paśla padziej 19 śniežnia, ab tym,
što Andrej Fiedarkievič i Uładzimir Chamičenka źjaŭlalisia"pravakatarami i ahientami biełaruskich pravaachoŭnych struktur».
Padčas śledstva ŭstanoŭleny ŭsie fakty ich supraćpraŭnaj dziejnaści i asprečana infarmacyja pra ich dačynieńnie da pravaachoŭnych orhanaŭ, śćviardžajuć u MUS.
UIHS MUS zajaŭlaje: «Śledstva ličyć, što vina ŭkazanych asob u dziejańniach, što inkryminujucca im, poŭnaściu paćviardžajecca abjektyŭnaj dokaznaj bazaj, atrymanaj padčas rasśledavańnia kryminalnych spraŭ i zasnavanaj na pakazańniach inšych abvinavačanych, śviedak, fota- i videamateryjałach, a taksama inšych nieabvieržnych dokazach. Usie nazvanyja vyšej asoby razam z advakatami najbližejšym časam buduć aznajomleny z materyjałami kryminalnych spraŭ, jakija ŭ adpaviednaści z zakanadaŭstvam buduć nakiravany ŭ sud praz orhany prakuratury».